Տյառնընդառաջի տոնը Ախալցխայում

Օրհնությամբ Սամցխե-Ջավախքի և Ծալկայի Ընդհանուր Առաջնորդական Փոխանորդ Հոգեշնորհ Տեր Մաղաքիա Վարդապետ Ամիրյանի և Ախալցխայի և Բորժոմիի տարածաշրջանների Հոգևոր Տեսուչ Հոգեշնորհ Տեր Հակոբ Աբեղա Սահակյանի 2020թ Փետրվարի 13-ին Ախալցխայի Սուրբ Գրիգոր Լուսավորիչ Եկեղեցում կատարվեց Երեկոյան Ժամերգություն, Տյառնընդառաջի նախատոնակ և նորապսակների օրհնության կարգ։

Հոգևոր Տեսուչ Հոգշ. Տ. Հակոբ Աբղ. Սահակյանը և Ախալցխայի հարակից շրջանների հոգևոր հովիվ Արժ. Տ. Թորգոմ Քհն. Վարդանյանը շնորհավորեցին նորապսակներին և միասին վառեցին տոնական խարույկը։Ավարտին եկեղեցու խաչքավոր Սերգեյ Պետրոսյանը նվերներ բաժանեց նորապսակների։