Ախալքալաքում այս պահին լուրջ անկարգություններ են

Ախալքալաքում այս պահին լուրջ անկարգություններ են։ Մարդկանց խոսքերով ամեն ինչ սկսվել է 25 ամյա Կուլիկամ գյուղի բնակչի սպանությունից։

Այսօր  երեկոյան «Խաս Բախչա» զբոսայգու հարևանությամբ տեղի են ունեցել մասսայական ջարդեր, կան զոհեր:

Երիտասարդների մի հոծ բազմություն երկաթե իրերով զինված ջարդել է հյուրանոցներից մեկի դռներն ու պատուհանները, որից հետո հրդեհ բռնկվել: Կան այրվող տներ։ Հրշեջ մեքենաները եւս արագ տեղափոխվում են քաղաքում, սակայն ոստիկանական խմբերը գրեթե չեն նկատվում, համենայնդեպս լարված ոչ բոլոր թաղամասերում  են  առկա։

Ախալքալաքի փողոցներում այժմ կարելի է տեսնել բազմաթիվ երիտասարդների, որոնք անհասկանալի ձեւով վազվզում եւ բախվում են այլ երիտասարդների խմբերի հետ, զինված երկաթե ձողերով։ Կան վիրավորներ։ Ականատեսների խոսքերով կան նաեւ ջարդված մեքենաներ։

Այս պահի դրությամբ հարեւան շրջաններից բազմաթիվ  ոստիկանական մեքենաների են մեկնում Ախալքալաք։