Մենք այլևս չենք հայտարարի լոգդաուն. Գիորգի Գախարիա

Մենք այլևս չենք հայտարարի լոգդաուն, դրա անհրաժեշտությունը չկա, երկրի տնտեսությունը դրան ուղակի չի դիմանա,- այս մասին հայտարարել է Վրաստանի վարչապետ Գիորգի Գախարիան:

Ըստ նրա, վարակի հետ համակեցությունն ու դրա դեմ պայքարը երկարաժամկետ գործընթաց է, որը բոլորը պետք է հասկանան:

«Առաջին ալիքի ժամանակ մենք ճիշտ գնահատեցինք մեր ռեսուրսները, ընդունեցինք ցավալի որոշում և հայտարարեցինք բավականին բարդ արգելափակման մասին, սակայն եկեք չմոռանանք, որ այն չունեինք նույնիսկ շնչադիմակներ: Երկրում կար շնչադիմակի պակաս: Այն ժամանակ մենք անում էինք 200 թեստ և աշխարհի հետ ոչ մի տեղեկություն չունեինք այս վարակի մասին, հույս ունեինք, որ մի քանի ամիս անց պատվաստանյութը հասանելի կլիներ: Ցավոք, պատվաստանյութը չի հայտնվել: Այսօր մենք այլ իրավիճակում ենք: Այն ժամանակ խիստ արգելափակումը միանգամայն ճիշտ որոշում էր: Այսօր, երբ ամբողջ աշխարհը համաձայն է, որ վարակի դեմ պայքարի ամենաարդյունավետ միջոցը շնչադիմակ կրելն է, որը վարակի հավանականությունը նվազեցնում է ավելի քան 90 տոկոսով, իհարկե, մենք այլևս չենք հայտարարի այդպիսի արգելափակում, դրա կարիքը չկա, և երկրի տնտեսությունը պարզապես չի կարող դրան դիմանալ: Հետևաբար, մենք բոլորս պետք է հասկանանք, հաշվի առնելով այն, որ վաղը և հաջորդ օրը պատվաստանյութ չի լինի, վարակի հետ գոյակցելը և դրա դեմ պայքարը երկարատև գործընթաց է: Հետևաբար, այս դրանից ելնելով, մեր ռազմավարությունը փոխվում է, որը նշանակում է վարակին հարմարվելն ու կառավարելը: Ուստի մեր ամենաճիշտ որոշումը կլինի կետային սահմանափակումները և պատշաճ հավասարակշռությունը»,- հայտարարել է Գիորգի Գախարիան: