ՍՈՒՐԲ ՍԱՐԳԻՍ ԶՈՐԱՎԱՐԻ ՏՈՆՆ ԱԽԱԼՔԱԼԱՔԻ ՍՈՒՐԲ ԽԱՉ ԵԿԵՂԵՑՈՒՄ

Այսօր, արագահաս, խնդրակատար, սիրո բարեխոս Սուրբ Սարգիս զորավարի նախատոնակին, Ախալքալաքի Սուրբ Խաչ եկեղեցում Արժանապատիվ Տեր Նարեկ քահանա Տիգրանյանը կատարեց ժամերգություն, ապա երիտասարդների օրհնության կարգ: Այնուհետև Արժանապատիվ Տեր Հայրը հանդես եկավ խոսքով, շնորհավորեց տոնի կապակցությամբ: Իր խոսքում Տեր Հայրը մասնավորապես անդրադարձավ սիրո կարևորությանը և բոլորին հորդորեց սիրել իրար:

Արարողության ավարտին, ժողովրդական ավանդության համաձայն, երիտասարդները ստացան աղաբլիթներ: Թող արագահաս Սուրբ Սարգիսը բարեխոս լինի բոլորի համար: