|
 |
|
 |
Գլխավոր » 2011 » Դեկտեմբեր » 9 » 2011 ԹՎԱԿԱՆԸ ՋԱՎԱԽԱՀԱՅՈՒԹՅԱՆ ՀԱՄԱՐ ՈՐՈՇԱԿԻ ՁԵՌՔԲԵՐՈՒՄՆԵՐԻ ՏԱՐԻ ԷՐ. ՇԻՐԱԿ ԹՈՐՈՍՅԱՆ
14:34 2011 ԹՎԱԿԱՆԸ ՋԱՎԱԽԱՀԱՅՈՒԹՅԱՆ ՀԱՄԱՐ ՈՐՈՇԱԿԻ ՁԵՌՔԲԵՐՈՒՄՆԵՐԻ ՏԱՐԻ ԷՐ. ՇԻՐԱԿ ԹՈՐՈՍՅԱՆ |
2011 թվականը ջավախահայության համար որոշակի ձեռքբերումների տարի էր, մասնավորապես, սոցիալ տնտեսական եւ հեռահաղորդակցության ոլորտներում: Այս մասին, այսօր` դեկտեմբերի 9-ին, հրավիրված մամուլի ասուլիսում նշեց ԱԺ ՀՀԿ-ական պատգամավոր, «Ջավախք» հայերնակցական միության նախագահ Շիրակ Թորոսյանը:
Նրա խոսքով, այս տարի վերջապես ավարտին հասցվեցին «Հազարամյակի մարտահրավերներ» ծրագրի շրջանակներում նախատեսված Ջավախքի գլխավոր մայրուղու աշխատանքները: Դա, ըստ Թորոսյանի, մի կողմից Ջավախքը կապեց Վրաստանի մայրաքաղաքի, մյուս կողմից` Հայաստանի հետ:
«Ջավախքում խորհրդային տարիներից ի վեր գլոբալ ճանապարհաշինություն տեղի չէր ունեցել»,-ընդգծեց պատգամավորը:
Ըստ նրա, ձեռքբերում կարելի է համարել նաեւ տրված որոշակի խոստումները, որոնք եթե կյանքի կոչվեն, բավականին լուրջ դրական առաջընթաց կլինի Ջավախքի ենթակառուցվածքների եւ տնտեսության զարգացման առումով: «Այս կոնտեքստում նախ պետք է նշեմ Հայաստանի նախագահ Սերժ Սարգսյանի վերջին այցի ընթացքում ձեռք բերված այն պայմանավորվածությունը, ըստ որի Հայաստանն ու Վրաստանը պետք է ստեղծեն փոխանցիկ սահմաններ, իսկ սահմանային հատման ռեժիմները պետք է պարզեցվեն»,- ասաց նա, հիշեցնելով, որ Հայաստանի ու Վրաստանի միջեւ պայմանավորվածություն է ձեռք բերվել, ըստ որի Հայաստանը Աջարիայի տարածքով Սեւ ծովին կապող ճանապարհ պետք է կառուցվի, ինչը կնպաստի թե’ Հայաստանի, թե’ Վրաստանի տնտեսական առաջընթացին: |
|
Բաժին: news.am
| 77
Ավելացրեց: AkhaltskhaNews
|
|
 |
Copyright MyCorp © 2012 |
 |
|
ახალციხის საინფორმაციო საიტი АХАЛЦИХСКИЙ ИНФОРМАЦИОННЫЙ САЙТ THE AKHALTSIKHE INFORMATION SITE ԱԽԱԼՑԽԱՅԻ ՏԵՂԵԿԱՏՎԱԿԱՆ ԿԱՅՔ ქ. ახალციხე, Ахалцихе, Ахцха ՀԱՅ-ՎՐԱՑԱԿԱՆ ՀԱՐԱԲԵՐՈՒԹՅՈՒՆՆԵՐ , ՍԱՄՑԽԵ-ՋԱՎԱԽՔ.Ախցխա, Ախալցիխե
|
