|
 |
|
 |
Գլխավոր » 2011 » Դեկտեմբեր » 21 » ԱՄՆ ԿՈՆԳՐԵՍԸ ՀԱՍՏԱՏԵԼ Է ՀԱՅԱՍՏԱՆԻՆ ՀԱՏԿԱՑՎՈՂ ՕԳՆՈՒԹՅՈՒՆԸ` 40 ՄԻԼԻՈՆ ԴՈԼԱՐԻ ՉԱՓՈՎ. ՕԳՆՈՒԹՅՈՒՆ Է ՀԱՏԿԱՑՎԵԼՈՒ ՆԱԵՒ ՂԱՐԱԲԱՂԻՆ
22:25 ԱՄՆ ԿՈՆԳՐԵՍԸ ՀԱՍՏԱՏԵԼ Է ՀԱՅԱՍՏԱՆԻՆ ՀԱՏԿԱՑՎՈՂ ՕԳՆՈՒԹՅՈՒՆԸ` 40 ՄԻԼԻՈՆ ԴՈԼԱՐԻ ՉԱՓՈՎ. ՕԳՆՈՒԹՅՈՒՆ Է ՀԱՏԿԱՑՎԵԼՈՒ ՆԱԵՒ ՂԱՐԱԲԱՂԻՆ |
ԱՄՆ-ի Սենատը եւ Ներկայացուցիչների պալատը
վերջնականապես հաստատել են 2012 ֆինանսական տարում ԱՄՆ-ի օտարերկյա
օգնության փաթեթը: Փաթեթով նախատեսվում է ԱՄՆ-ի կողմից Հայաստանին
օգնություն տրամադրել 40 միլիոն դոլարի չափով` պահպանելով Լեռնային
Ղարաբաղին հատկացվող ֆինանսական միջոցների ընթացիկ մակարդակը եւ կոչ անելով
պահպանել հավասարակշռություն Հայաստանին եւ Ադրբեջանին հատկացվող ռազմական
օգնության առումով: Այդ մասին հաղորդում է Ամերիկայի հայկական ազգային
կոմիտեն:
«Ամերիկայի բոլոր հայերի եւ մեր ընկերների անունից ցանկանում ենք մեր
շնորհակալությունը հայտնել նրանց, ովքեր կողմնակից են հավասարակշռության
պահպանմանը եւ Հայաստանին եւ Ղարաբաղին ֆինանսական օգնության հատկացմանը,
այն պայմաններում, երբ ԱՄՆ-ը կրճատում է արտաքին օգնության իր ծախսերը:
Մենք առաջիկա ամիսներին աշխատելու ենք այն ուղղությամբ, որպեսզի նյութապես
օժանդակենք Հայաստանում բնակվող ընտանիքներին եւ ընդլայնենք 2013-ին
Ղարաբաղի զարգացման ծրագիրը, ինչպես նաեւ քայլեր կձեռնարկենք Հայաստանին
«Հազարամյակի մարտահրավերներ» ծրագրի երկրորդ փաթեթը տրամադրման եւ
հայ-ամերիկյան երկկողմ տնտեսական համաձայնության կնքման ուղղությամբ, որը
կնպաստի առեւտրական հարաբերութունների խորացմանը եւ նոր աշխատատեղերի
բացմանը»,- ասել է ANCA-ի գործադիր տնօրեն Արամ Համբարյանը:
Կովկասին հատկացվող ամերիկյան օգնության շրջանակներում Կոնգրեսը հաստատել է
նախագահ Օբամայի` տնտեսական օգնության առաջարկը, այդ թվում 40 միլիոն
դոլար հատկացնել Հայաստանին, 16.6 միլիոն` Ադրբեջանին եւ 66 միլիոն`
Վրաստանին:
Բացի այդ, Կոնգրեսը Լեռնային Ղարաբաղին օգնություն է տրամադրում «նախորդ
տարիներին համապատասխան մակարդակով եւ հակամարտության հետ կապված
անհրաժեշտությունների համապատասխան»` միաժամանակ կոչ անելով
«հակամարտության խաղաղ կարգավորման»: Տարեկան ԱՄՆ-ի կողմից Ղարաբաղին
հատկացվող օգնությունը կազմում է մոտ 2 միլիոն դոլար:
|
|
Բաժին: news.am
| 69
Ավելացրեց: Akhaltskhanet
|
|
 |
Copyright MyCorp © 2012 |
 |
|
ახალციხის საინფორმაციო საიტი АХАЛЦИХСКИЙ ИНФОРМАЦИОННЫЙ САЙТ THE AKHALTSIKHE INFORMATION SITE ԱԽԱԼՑԽԱՅԻ ՏԵՂԵԿԱՏՎԱԿԱՆ ԿԱՅՔ ქ. ახალციხე, Ахалцихе, Ахцха ՀԱՅ-ՎՐԱՑԱԿԱՆ ՀԱՐԱԲԵՐՈՒԹՅՈՒՆՆԵՐ , ՍԱՄՑԽԵ-ՋԱՎԱԽՔ.Ախցխա, Ախալցիխե
|
