ԱՎՏՈՎԹԱՐ ԱԽԱԼՑԽԱՅՈՒՄ. ԶՈՀՎԵԼ ԵՆ 3 ԵՐԻՏԱՍԱՐԴՆԵՐ, ԵՎՍ ԵՐԿՈՒՍԻ ՎԻՃԱԿԸ ԾԱՆՐ Է - 26 Ноября 2009

« Նոեմբեր 2009 »
I	II	III	IV	V	VI	VII
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30

Նոյեմբերի 22-ին Ախալցխայի «Տավարնի» թաղամասում տեղի ունեցած վթարի հետևանքով զոհվել են երեք երիտասարդներ` 20-ամյա Պետրոս Պետրոսյանը, Մանուչար Մախաթաձեն և 17-ամյա Դավիթ Գասպարյանը: Եվս 2-ը` Ցոլակ Բալասանյանը և Աշոտ Սապոնջյանը, ովքեր նույնպես մեքենայում են եղել, գտնվում են ծանր վիճակում: Աշոտ Սապոնջյանն իր «Մերսեդես» մակնիշի մեքենայով բախվել է կանգնած բեռնատար վագոններից մեկին այն ժամանակ, երբ փորձել է մեծ արագությամբ պտույտ կատարել ճանապարհի ոլորանում:

Ցոլակ Բալասանյանն այժմ գտնվում է Գորիի հիվանդանոցում: Նա ծանր վիճակում է, և նրա վիրահատության համար անհրաժեշտ է մեծ գումար: Ցոլակի ընտանիքն ի վիճակի չէ վճարել այն: Ախալցխացիները գումար են հավաքում, որպեսզի փրկեն երիտասարդի կյանքը:
«Ամբողջ քաղաքով դռնից դուռ ենք քայլում և փող հավաքում: Արդեն հավաքվել է բավականին մեծ գումար, սակայն դա բավարար չէ խիստ անհրաժեշտ վիրահատությունը կատարելու համար: Այդ իսկ պատճառով խնդրում ենք բոլոր նրանց, ովքեր ի վիճակի են իրենց համեստ նյութական օժանդակությամբ `օգնել Ցոլակ Բալասանյանին»,-ասում է Ախալցխայի քահանա Տեր Մանուկ Զեյնալյանը:
Աշոտ Սապոնջյանին տեղափոխել են Թբիլիսիի ռազմական հոսպիտալ, նրան 2 անգամ վիրահատել են, բայց վիճակը նույնպես ծանր է:

Քրիստինե Աղալարյան

4 Akhaltskhanet (04.12.2009 17:56)

Վրաստանում քննարկել են հայկական եկեղեցիների վերականգնման հարցը

Դեկտեմբերի 3-ին Համայն Վրաստանի կաթողիկոս, պատրիարք Իլյա Երկրորդը իր նստավայրում ընդունել է Վրաստանում Հայաստանի դեսպան Հրաչ Սիլվանյանին և Վիրահայոց թեմի առաջնորդ Վազգեն եպիսկոպոս Միրզախանյանին: Հանդիպման ժամանակ հանգամանորեն քննարկվել են Վրաստանում Հայ առաքելական եկեղեցու կարգավիճակի, հայկական մի շարք եկեղեցիների պատկանելության, տեղի հայկական հուշարձանների, այդ թվում՝ եկեղեցիների պահպանության և վերականգնման հարցերը:

Ինչպես հաղորդում են ԱԳՆ–ից, Նորին Սրբությունը վստահեցրել է, որ նշված խնդիրները պատշաճ լուծում կստանան Վրաստանի հոգևոր և աշխարհիկ իշխանությունների համատեղ ջանքերով և շեշտել է հայ-վրացական դարավոր հարաբերությունների զարգացման կարևորությունը: Նա իր բաղձանքն է հայտնել նաև առաջիկա պատեհ առիթով Ամենայն հայոց կաթողիկոս Ն.Ս.Օ.Տ.Տ. Գարեգին Երկրորդին հյուրընկալելու վերաբերյալ:

Tert.am

3 Բաց նամակ (03.12.2009 20:16)

«Ջավախքում հոգևոր – մշակութային սով է, շրջափակում»

[ 2009/12/03 | 18:02 ]

Բաց նամակ Ն. Ս. Օ. Տ. Տ. Ամենայն Հայոց Կաթողիկոս Գարեգին Երկրորդին

http://hetq.am/am/society/bac-namak-6/

2 Akhaltskhanet (01.12.2009 11:42)

Կիրակի սքո Պատարագ մատուցվեց Սբ Գրիգոր Լուսավորիչ եկեղեցում տղերքի հոգիների հանգստյան համար:Ցոլակի ու Աշոտի վիճակը կրկին ծանր է, սակայն կարծես նրանց ապաքինվելու հույսերը Ախալցխացիներիս մոտ մի փոքր ավելացել են:

1 Երկիր (30.11.2009 17:48)

Վրաստան կվերադառնա 7300 թուրք մեսխեթցի

30.11.2009 16:42

Երեւան (Երկիր) - Թեեւ թուրք մեսխեթցիների Վրաստան վերադառնալու ժամկետները մի քանի անգամ երկարացվել են, շատ քչերն են վերաբնակեցվել, հայտնել է Վրաստանի խորհրդարանի եվրաինտեգրման կոմիտեի նախագահ Դավիթ Դարչիաշվիլին:

«Վրաստանը որոշում է կայացրել 40-ական թվականներին խորհրդային ռեժիմի կողմից բռնադատված այդ ժողովրդի վերադարձի մասին: Նրանք կարող են ցանկության դեպքում վերադառնալ հայրենիք, սակայն նշեմ, որ նրանց վերադառնալու ժամկետները մի քանի անգամ երկարացվել են: Այդ խնդրանքով Վրաստանին դիմել էր Եվրոպայի խորհուրդը, իսկ մենք համաձայնել ենք: Երկարաձգվել է նաեւ փաստաթղթերի եւ հայտարարությունների ընդունման ժամկետը»,- պարզաբանել է Դարչիաշվիլին` հավելելով, որ չնայած այդ ամենին, շատ քչերն են վերադարձել Վրաստան:

Վերջին տվյալներով` Վրաստանի հյուպատոսական ծառայություններ վերադարձի դիմում է ներկայացրել 7300 թուրք մեսխեթցի: Իսկ թուրք մեսխեթցիների «Վաթան» կազմակերպության նախագահ Իբրահիմ Բուրխանովը հայտարարել է, որ հաջորդ տարի Ադրբեջանից Վրաստան է տեղափոխվելու 17 հազար մարդ: