Փետրվարի 7-ին Ախալցխայի Սբ. Գրիգոր Լուսավորիչ եկեղեցում Վիրահայոց թեմի առաջնորդ` Տեր Վազգեն Եպիսկոպոս Միրզախանյանի, Ջավախքի առաջնորդական փոխանորդ` Տեր Բաբկեն Աբեղա Սալբյանի եւ թեմի քահանաների ներկայությամբ տեղի ունեցավ Տեր Շմավոն քահանայի հոգեհանգստյան, վերջին օծման եւ թաղման կարգը:
Հոգեւորականները Ախալցխայի հավատավոր ժողովրդի հետ միասին աղոթեցին Տեր Շմավոն քահանայի հոգու հանգստյան համար, հիշեցին նրա բազմաթիվ արժանիքներն ու գործերը ուղղված Հայ Առաքելական Եկեղեցու Վիրահայոց թեմի ամրապնդմանը ու զորացմանը:
Տեր Վազգեն Եպիսկոպոս Միրզախանյանը իր խոսքում մասնավորապես հիշեց Տեր Շմավոնի ծառայությունները, որոնք քահանան իր կյանքի մեծ մասը նախ ծառայել է Ախալքալաքի Սբ. Խաչ եկեղեցում, ապա տեղափոխվել ծառայության Ախալցխայի Սբ. Գրիգոր Լուսավորիչ եկեղեցի, որից հետո վերջին տարիներս Թիֆլիս եւ կրկին Ախալցխայի ու Ասպինձայի շրջան:
Եկեղեցուց քահանայի վերջին օծման արարողությունից հետո սգո թափորը ուղեւորվեց դեպի քաղաքի հայկական գերեզմանատուն, որտեղ եւ տեղի ունեցավ Տեր Շմավոն քահանային մայր հողին հանձնելու արարողությունը:
| 
