|
 |
|
 |
Գլխավոր » 2011 » Փետրվար » 22 » ԲԱԿՈՒՐԻԱՆՈՒՄ ՏԵՂԻ ՈՒՆԵՑԱՎ ԹՈՒՐՔ-ՄԵՍԽԵՐԻ ՕԳՆՈՒԹՅԱՆ ՀԱՐՑԵՐՈՎ ՆՈՐ ՆԱԽԱԳԾԻ ՇՆՈՐՀԱՆԴԵՍ
22:12 ԲԱԿՈՒՐԻԱՆՈՒՄ ՏԵՂԻ ՈՒՆԵՑԱՎ ԹՈՒՐՔ-ՄԵՍԽԵՐԻ ՕԳՆՈՒԹՅԱՆ ՀԱՐՑԵՐՈՎ ՆՈՐ ՆԱԽԱԳԾԻ ՇՆՈՐՀԱՆԴԵՍ |
Փետրվարի 18-20-ը ավան Բակուրիանիի «Թբիլիսի» հյուրանոցում տեղի ունեցավ Ախալցիխեում գործող «Տոլերանտի» միության կողմից կազմակերպած եւ Եվրամիության կողմից ֆինանսավորած «Վրաստանում անլեգալ իրավիճակում գտնվող վերաբնակեցված մեսխերի հումանիտար օգնություն, նրանց անօրինական տեղափոխման կանխարգելման աջակցություն» նախագծի շքահանդեսը:
Հանդիպմանը մասնակցում էին բազմաթիվ հյուրեր` Ախալցիխեից, Ախալքալաքից, Թբիլիսիից և հարևան Ադրբեջանից: Պատվավոր հյուրերի շարքում էին մարդու իրավունքների հայտնի պաշտպան, այժմ Վրաստանի նախագահի աշխատակազմի անդամ Էլենե Թևդորաձեն, Վրաստանի ժողովրդական պաշտպանի գրասենյակից հայտնի իրավապաշտպան Բեքա Մինդիաշվիլին, Խաղաղության, ժողովրդավարության և զարգացման կովկասյան ինստիտուտի գործադիր տնօրեն Ավթանդիլ Ջոխաձեն, հայտնի քաղաքագետ Ուչա Բլուաշվիլին, եվրոպական տարբեր կառույցների, ոչ կառավարական կազմակերպությունների ներկայացուցիչներ:
Եռօրյա հանդիպումներին մասնակցում էին Թբիլիսիում և տարածաշրջանում գործող լրագրողներ, տարբեր նախարարությունների ներկայացուցչներ, ովքեր անմիջականորեն զբաղվում են մահմեդական-մեսխերի հիմնախնդիրերով «Փախստականների և վերաբնակեցվածների նախարարություն, Կրթության և գիտության նախարարություն, Ազգային անվտանգության ծառայություն և այլն»:
Սեմինար-վարժանքի ընթացքում զեկուցումներով հանդես եկան «Տոլերանտի» միության նախագահ Ցիրա Մեսխիշվիլին, նույն ընկերության գլխավոր մենեջեր Գոչա Նաթենաձեն, Վրաստանի տարբեր տարածաշրջաններում` Իմերեթիում և Ախալցիխեում, Աբասթումանիում վերաբնակեցված մահմեդական-մեսխեր և այլք:
Եվրամիության կողմից ֆինանսավորած 2.5 տարի տևողությամբ նախագծի հիմնական նպատակն է ըստ ամենայնի աջակցել արդեն Վրաստանում բնակվող մահմեդական-մեսխերին, հոգալ նրանց հետ կապված հիմնախնդիրները` իրավական, բժշկական, կրթության և կեցության, աշխատանքով ապահովության և այլն:
|
|
Բաժին: ՍԱՄՑԽԵ-ՋԱՎԱԽՔ
| 223
Ավելացրեց: Akhaltskhanet
|
|
 |
Copyright MyCorp © 2012 |
 |
|
ახალციხის საინფორმაციო საიტი АХАЛЦИХСКИЙ ИНФОРМАЦИОННЫЙ САЙТ THE AKHALTSIKHE INFORMATION SITE ԱԽԱԼՑԽԱՅԻ ՏԵՂԵԿԱՏՎԱԿԱՆ ԿԱՅՔ ქ. ახალციხე, Ахалцихе, Ахцха ՀԱՅ-ՎՐԱՑԱԿԱՆ ՀԱՐԱԲԵՐՈՒԹՅՈՒՆՆԵՐ , ՍԱՄՑԽԵ-ՋԱՎԱԽՔ.Ախցխա, Ախալցիխե
|
