|
 |
|
 |
Գլխավոր » 2011 » Սեպտեմբեր » 13 » ԵԿԵՂԵՑԱՍԵՐ ԵՐԻՏԱՍԱՐԴԱՑ ՄԻՈՒԹՅԱՆ ՀԱՄԱԺՈՂՈՎ ԱԽԱԼՔԱԼԱՔՈՒՄ
16:02 ԵԿԵՂԵՑԱՍԵՐ ԵՐԻՏԱՍԱՐԴԱՑ ՄԻՈՒԹՅԱՆ ՀԱՄԱԺՈՂՈՎ ԱԽԱԼՔԱԼԱՔՈՒՄ |
Ս. թ. սեպտեմբերի 10- ին, Վիրահայոց թեմի նաաձեռնությամբ, ՀՀ Սփյուռքի եւ Մշակույթի նախարարությունների հովանավորությամբ եւ «Գալուստ Գյուլբենկյան» հիմնադրամի աջակցությամբ, Վրաստանի Սամցխե-Ջավախք նահանգի Ախալքալաք քաղաքի փոխառաջնորդարանում կայացավ Վիրահայոց թեմի Եկեղեցասեր երիտասարդաց միության համաժողով՝ «Հայ Առաքելական Ուղղափառ Սուրբ եկեղեցին Վիրահայ երիտասարդների կյանքում» թեմայով:
Համաժողովին մասնակցում էին շուրջ երեսուն վիրահայ երիտասարդներ մայրաքաղ Թբիլիսիից, Բաթումիից, Սամցխե-Ջավախքից եւ Վրաստանի այլ շրջաններից: Հավաքին մասնակցում էին թեմի հոգեւոր հովիվները:
Համաժողովը սկսելուց առաջ երիտասարդները թեմի առաջնորդ Տ. Վազգեն եպիսկոպոս Միրզախանյանի հանդիսապետությամբ Ախալքալաքի Սուրբ Խաչ եկեղեցում թեմի հոգեւոր դասի հետ միասին աղոթք բարձրացրին առ Աստված: Տաճարում հյուրերին ջերոմորեն ողջունեց Սամցխե-Ջավախքի ընդհանուր առաջնորդական փոխանորդ Տ. Բաբկեն աբեղա Սալբիյանը: Համաժողովը բացվեց Վիրահայոց թեմի առաջնորդ Տ. Վազգեն եպիսկոպոս Միրզախանյանի օրհնությամբ:
Համաժողովին քննարկվեցին վիրահայության համար արդիական խնդիրներ, ինչպիսիք են «Հայ Առաքելական Սուրբ եկեղեցու դերը երիտասարդների կյանքում», «Երիտասարդները եւ Հայ Առաքելական Սուրբ եկեղեցին, միջերիտասարդական համագործակցություն», «Աղանդավորություն .իրավիճակը շրջաններում»: Ընթերցված զեկույցների շուրջ ծավալվեցին աշխույժ քննարկումներ: Վիրահայ երիտասարդները մտահոգություն հայտնեցին ինչպես աղանդավորության, այնպես էլ կրավորական երիտասարդ զանգվածների մասին, ովքեր տարաբնիկ ազդեցությունների ներքո հեռանում են ազգային-եկեղեցական եւ հոգեւոր-մշակութային կյանքից: Հանդիպմանը կարևորվեց նաև Մայր Հայրենիքի եւ Սուրբ Էջմիածնի հետ ամուր կապերի հաստատումը ինչպես ուխտագնացությունների կազմակերպման միջոցով, այնպես էլ Հայաստանում կազմակերպվող համահայկական միջոցառումներին գործնական մասնակցություն ցուցաբերելով:
Ժողովականների կողմից որոշում կայացվեց Թբիլիսում սովորող դրսեկ հայ ուսանողների հետ հաստատել սերտ կապեր, արագացնել հովվություններին կից եկեղեցասեր երիտասարդաց կառույցների ձևավորում` համայնքային խորհրդի կազմակերպամբ: Երիտասարդների կողմից առաջարկություն հնչեց թեմի քահանաների հետ այցելել հայաբնակ տարբեր համայնքներ և եկեղեցական արարողությունների անցկացման և ժողովրդին Հայոց Եկեղեցու պատմությունը, տոները բացատրելու միջոցով ժողովրդական լայն զանգվածներին ուղղորդել դեպի Եկեղեցի:
Համաժողովի մասնակիցներին հուզող բազմաթիվ հարցերին պատասխանեցին հավաքի մասնակից հոգևոր դասի ներկայացուցիչները:
Ժողովն ավարտվեց Սրբազան հոր պահպանիչ աղոթքով, և որոշվեց հաջորդ հավաքը կազմակերպել դեկտեմբեր ամսին Վրաստանի մայրաքաղաք Թբիլիսիում, հայտնում է «Հայերն այսօր» էլեկտրոնային պարբերականը: |
|
Բաժին: ՀՈԳԵՎՈՐ
| 128
Ավելացրեց: AkhaltskhaNews
|
|
 |
Copyright MyCorp © 2012 |
 |
|
ახალციხის საინფორმაციო საიტი АХАЛЦИХСКИЙ ИНФОРМАЦИОННЫЙ САЙТ THE AKHALTSIKHE INFORMATION SITE ԱԽԱԼՑԽԱՅԻ ՏԵՂԵԿԱՏՎԱԿԱՆ ԿԱՅՔ ქ. ახალციხე, Ахалцихе, Ахцха ՀԱՅ-ՎՐԱՑԱԿԱՆ ՀԱՐԱԲԵՐՈՒԹՅՈՒՆՆԵՐ , ՍԱՄՑԽԵ-ՋԱՎԱԽՔ.Ախցխա, Ախալցիխե
|
