|
 |
|
 |
Գլխավոր » 2012 » Հունվար » 25 » ՖՐԱՆՍԻԱՅԻ ՍԵՆԱՏԻ ՈՐՈՇՈՒՄԸ ԿԿԱՆԽԱՐԳԵԼԻ ՄԱՐԴԿՈՒԹՅԱՆ ԴԵՄ ՆՈՐ ՀԱՆՑԱԳՈՐԾՈՒԹՅՈՒՆՆԵՐԸ. ԷԴՎԱՐԴ ՆԱԼԲԱՆԴՅԱՆ
22:13 ՖՐԱՆՍԻԱՅԻ ՍԵՆԱՏԻ ՈՐՈՇՈՒՄԸ ԿԿԱՆԽԱՐԳԵԼԻ ՄԱՐԴԿՈՒԹՅԱՆ ԴԵՄ ՆՈՐ ՀԱՆՑԱԳՈՐԾՈՒԹՅՈՒՆՆԵՐԸ. ԷԴՎԱՐԴ ՆԱԼԲԱՆԴՅԱՆ |
Հայոց ցեղասպանության ժխտումը քրեականացնող օրինագիծը կարեւոր մեխանիզմ է մարդկության դեմ հանցագործությունների կանխարգելման գործում: Այս մասին Լատվիայում հունվարի 25-ին կայացած մամլո ասուլիսի ընթացքում հայտարարել է Հայաստանի արտաքին գործերի նախարար Էդվարդ Նալբանդյանը:
«Այդ կարեւոր քայլը Ֆրանսիայի կողմից ոչ միայն ողջունելի է, այլեւ պետք է օժանդակություն ստանա Եվրոպայի եւ ամբողջ աշխարհի երկրների կողմից»,- հայտարարել է Նալբանդյանը, հաղորդում է Agence France-Presse գործակալությունը:
Ըստ Հայաստանի ԱԳ նախարարի` առաջին հերթին հարկավոր է Թուրքիայի հետ ընդհանուր պատմության այդ էջը թերթել, բայց ոչ թե ժխտման ճանապարհով, այլ Հայոց ցեղասպանության ճանաչմամբ:
«Մենք իսկապես հուսով ենք, որ կգա այն օրը, երբ Թուրքիան ինքը կճանաչի Հայոց ցեղասպանությունը»,- նշել է նա:
Իր հերթին Լատվիայի ԱԳ նախարար Էդգարս Ռինկեւիչսը նշել է, որ Հայաստանի եւ Լատվիայի ծանր պատմության մեջ նմանություններ կան եւ «տվյալ հարցում մենք հասկանում ենք հայ ազգի ցավը»: «Եթե նույնիսկ դա շատ դժվար է, ամենից լավը ակադեմիական մակարդակով ընդհանուր անցյալի քննարկում կազմակերպելն է, այլ ոչ թե հարցը քաղաքականացնելը»,- ավելացրել է նա:
Հիշեցնենք, որ Հայաստանի ԱԳ նախարար Էդվարդ Նալբանդյանը հունվարի 25-ին եւ 26-ին գտնվելու է Լատվիայում եւ Լիտվայում: |
|
Բաժին: news.am
| 61
Ավելացրեց: AkhaltskhaNews
|
Արտատպելիս հղումը akhaltskha.net-ին պարտադիր է:
Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ:
|
 |
Copyright MyCorp © 2012 |
 |
|
ახალციხის საინფორმაციო საიტი АХАЛЦИХСКИЙ ИНФОРМАЦИОННЫЙ САЙТ THE AKHALTSIKHE INFORMATION SITE ԱԽԱԼՑԽԱՅԻ ՏԵՂԵԿԱՏՎԱԿԱՆ ԿԱՅՔ ქ. ახალციხე, Ахалцихе, Ахцха ՀԱՅ-ՎՐԱՑԱԿԱՆ ՀԱՐԱԲԵՐՈՒԹՅՈՒՆՆԵՐ , ՍԱՄՑԽԵ-ՋԱՎԱԽՔ.Ախցխա, Ախալցիխե
|
