|
 |
|
 |
Գլխավոր » 2011 » Հուլիս » 26 » ՀԱՅ ՊԱՏԳԱՄԱՎՈՐՆԵՐԻՆ ԱՐԳԵԼԵԼ ԵՆ ՋԱՎԱԽՔՈՒՄ ԵԼՈՒՅԹ ՈՒՆԵՆԱԼ
16:01 ՀԱՅ ՊԱՏԳԱՄԱՎՈՐՆԵՐԻՆ ԱՐԳԵԼԵԼ ԵՆ ՋԱՎԱԽՔՈՒՄ ԵԼՈՒՅԹ ՈՒՆԵՆԱԼ |
Հայաստանի Ազգային ժողովի «Ժառանգություն» խմբակցության պատգամավոր Արմեն Մարտիրոսյանին և «ՀՅԴ» խմբակցության անդամ Արծվիկ Մինասյանին վրացական իշխանություններն արգելել են ելույթ ունենալ հուլիսի 24-ին Ջավախքում կազմակերպված տերյանական օրերին նվիրված միջոցառման ժամանակ: Այս մասին այսօր լրագրողների հետ հանդիպմանը հայտարարեցին պատգամավորները, գրում է tert.am-ը:
Մինասյանի խոսքով՝ երբ իրենք մոտեցել են շրջանային ղեկավարության՝ ազգությամբ հայ ներկայացուցիչներ Հենզել Մկոյանին, Վան Բայբուրթին, Վալոդյա Ստամբոլցյանին, որոնք միջոցառման կազմակերպիչներն են, ու պնդել, որ պետք է ելույթ ունենան, վերջիններս ասել են, թե Ջիվանուն նվիրված միջոցառման օրն էլ ելույթներ են եղել, և մարդիկ ձանձրացել են: Հետո ԱԺ պատգամավորները ելույթ ունենալու համաձայնություն են ձեռք բերել: «Բայց հետագայում, ինչպես պարզվեց, ոչ թե իրենք էին որոշում կայացնողները, այլ անվտանգության ծառայությունը... Եվ երբ առաջին ողջույնի խոսքը հնչեց ռուսերենով, պարզ էր դառնում, որ ընթացքը գնում էր իրենց նախանշած ուղղությամբ»,- հայտարարեց Արծվիկ Մինասյանը:
Դաշնակցական գործչի խոսքով՝ վրացական իշխանությունների համար հասկանալի էր, որ հայ պատգամավորները ամբիոնից հնչեցնելու էին ջավախահայերի իրավունքների պաշտպանությանն ուղղված խոսքեր, ինչի պատճառով էլ արգելել են իրենց ելույթները:
«Հայապահպանության առումով Ջավախքում բարդ իրավիճակ է, և մենք իսկապես ունենք մեր մշակութային, լեզվական ժառանգության, եկեղեցու պահպանության խնդիր»,- իր հերթին հայտարարեց «Ժառանգության» պատգամավոր Արմեն Մարտիրոսյանը: Ըստ նրա՝ խիստ տարօրինակ է, որ ռուսատյացությամբ լեցուն Վրաստանում նախընտրելի է հայկական միջոցառումն անցկացնել ռուսերենով, քան հայերենով:
«Սա նշանակում է, որ վրացական իշխանությունների համար հայերենը շատ ավելի վտանգավոր է, շատ ավելի թշնամական լեզու է, քան ռուսերենը»,- ասաց Մարտիրոսյանը՝ ավելացնելով, որ հիշյալ միջոցառմանը կարողացել է ելույթ ունենալ «Ժառանգության» վարչության անդամ Անահիտ Ուզունյանը, որի ելույթը կոպտորեն խոչընդոտվել է. անջատել են բարձրախոսը:
Պատգամավորները իշխանություններից պահանջեցին հստակ հայեցակարգ ունենալ Ջավախքի խնդիրների լուծման համար և ձեռնարկել կոնկրետ քայլեր:
|
|
Բաժին: ՍԱՄՑԽԵ-ՋԱՎԱԽՔ: ՀԱՅԱՑՔ ՀԱՅԱՍՏԱՆԻՑ
| 204
Ավելացրեց: Akhaltskhanet
|
|
 |
Copyright MyCorp © 2012 |
 |
|
ახალციხის საინფორმაციო საიტი АХАЛЦИХСКИЙ ИНФОРМАЦИОННЫЙ САЙТ THE AKHALTSIKHE INFORMATION SITE ԱԽԱԼՑԽԱՅԻ ՏԵՂԵԿԱՏՎԱԿԱՆ ԿԱՅՔ ქ. ახალციხე, Ахалцихе, Ахцха ՀԱՅ-ՎՐԱՑԱԿԱՆ ՀԱՐԱԲԵՐՈՒԹՅՈՒՆՆԵՐ , ՍԱՄՑԽԵ-ՋԱՎԱԽՔ.Ախցխա, Ախալցիխե
|
