|
 |
|
 |
Գլխավոր » 2011 » Հոկտեմբեր » 13 » ՀՆԱՐԱՎՈՐՈՒԹՅՈՒՆ ԵՐԻՏԱՍԱՐԴՆԵՐԻ ՀԱՄԱՐ
10:34 ՀՆԱՐԱՎՈՐՈՒԹՅՈՒՆ ԵՐԻՏԱՍԱՐԴՆԵՐԻ ՀԱՄԱՐ |
Ոչ կառավարական «Կանանց հույս» կազմակերպությունը երիտասարդներին ընձեռում է արտասահմանում սովորելու հնարավորություն: Փոխանակման ծրագրին մասնակցելու համար արդեն սկսվել է դիմումների ընդունումը:
Եվրոպական կամավորների փոխանակման ծրագիրը մեկնարկեց ընթացիկ տարվասեպտեմբերին: Ծրագիրն իրականացվում է Եվրամիության ֆինանսավորմամբ: Ովքեր ցանկանում են որպես կամավորներ մեկնել որեւէ երկիր եւ ոչ կառավարական կազմակերպություն, պետք է անդամագրվեն ոչ կառավարական «Կանանց հույս» կազմակերպությանը: Վերոնշյալ կազմակերպությունն ընդունում եւ առաքում է արտասահմանյան կամավորներին:
«Ով մրցույթին մասնակցելու ցանկություն ունի, մի քանի ամիս շուտ պետք է անդամագրվի մեր կազմակերպությանը: Կամավորին մենք տալիս ենք երաշխավորագիր եւ փաստաթղթերն ուղարկելու հնարավորություն»,-ասաց ծրագրի կոորդինատոր Նինո Ախալկացին: Փոխանակման ծրագրին մասնակցել ցանկացողներն իրենք են ընտրում Եվրոպայի երկրներից մեկն ու կազմակերպությունը, որտեղ որոշ ժամանակով ցանկանում են աշխատել որպես կամավոր: «Մենք միայն օգնում ենք էլեկտրոնային դիմումը լրացնելիս: Ստուգում ենք, որ սխալ չլրացվի եւ առաքում ենք մատնանշված կազմակերպությանը»,-ասաց Ախալկացին:
Կազմակերպությունը կամավորներին ընտրում է մրցույթի սկզբունքով: Դրանից հետո նա «Կանանց հույս»-ում անցնում է հատուկ նախապատրաստություն:
«Դրական պատասխանի դեպքում կամավորն ընտրում է ժամկետը, թե որքան ժամանակով է ցանկանում մեկնել: Ծրագիրը 12-ամսյա է: Թեպետ, ցանկության դեպքում, այն կարող է սահմանափակվել 2 կամ 3 ամսով»,-ասաց Ախալկացին:
Նրա խոսքերով, փոխանակման ծրագրին մասնակցողը պետք է բավարարի մի քանի չափորոշիչների: Նշանակալից է տարիքային չափորոշիչը. «Ծրագրին կարող են մասնակցել 18-ից մինչեւ 30 տարեկան երիտասարդները: Աշխատանքային փորձ ունենալը պարտադիր չէ այն ոլորտում, որն ընտրել ես:
Թեպետ պարտադիր է թեկուզ տարրական մակարդակով անգլերեն լեզվի իմացությունը»:
Եվրոպական կամավորների փոխանակման ծրագիրը ենթադրաբար կշարունակվի մինչեւ 2014 թվականը:
ՄԱՆԱՆԱ ՍԱՐԱՇՎԻԼԻ,
ԱԽԱԼՑԻԽԵ «ՀԱՐԱՎԱՅԻՆ ԴԱՐՊԱՍ»
|
|
Բաժին: ՍԱՄՑԽԵ-ՋԱՎԱԽՔ
| 115
Ավելացրեց: AkhaltskhaNews
|
|
 |
Copyright MyCorp © 2012 |
 |
|
ახალციხის საინფორმაციო საიტი АХАЛЦИХСКИЙ ИНФОРМАЦИОННЫЙ САЙТ THE AKHALTSIKHE INFORMATION SITE ԱԽԱԼՑԽԱՅԻ ՏԵՂԵԿԱՏՎԱԿԱՆ ԿԱՅՔ ქ. ახალციხე, Ахалцихе, Ахцха ՀԱՅ-ՎՐԱՑԱԿԱՆ ՀԱՐԱԲԵՐՈՒԹՅՈՒՆՆԵՐ , ՍԱՄՑԽԵ-ՋԱՎԱԽՔ.Ախցխա, Ախալցիխե
|
