|
 |
|
 |
Գլխավոր » 2011 » Հուլիս » 11 » ՀՐԱՊԱՐԱԿՎԵԼ Է ՎՐԱՍՏԱՆԻ ՍՈՒՐԲ ՍԻՆՈԴԻ ԸՆԴՈՒՆԱԾ ՈՐՈՇՈՒՄԸ
22:26 ՀՐԱՊԱՐԱԿՎԵԼ Է ՎՐԱՍՏԱՆԻ ՍՈՒՐԲ ՍԻՆՈԴԻ ԸՆԴՈՒՆԱԾ ՈՐՈՇՈՒՄԸ |
Հրապարակվել է Վրաստանի պատրիարքարանում այսօր կայացած Սուրբ Սինոդի նիստի ընթացքում 4-ժամյա քննարկումից հետո ընդունված որոշումը:
«Ընթացիկ տարվա հուլիսի 5-ին Վրաստանի խորհրդարանի կողմից ընդունվել է «Քաղաքացիական օրենսգրքում» փոփոխություններ կատարելու մասին օրենք: Սինոդի նիստի ընթացքում ընդհանուր դժգոհություն է եղել՝ կապված այն բանի հետ, որ չնայած սահմանադրական համաձայնությամբ նախատեսված պարտավորություններին՝ օրենքի ընդունումը տեղի է ունեցել առանց պատրիարքարանի ու հասարակության հետ նախնական խորհրդակցությունների, ինչն էլ Վրացական եկեղեցու հոգևոր դեմքերի ու բազմամարդ հոտի անհանգստության պատճառ է հանդիսացել»,-ասված է տեքստում:
Քննարկելով ստեղծված իրավիճակը՝ Սուրբ սինոդը հայտարարել է, որ Վրաստանի տարածքում բնակվող բոլոր կրոնական ուղղությունների ներկայացուցիչները և կրոնական միավորումները հավասար են օրենքի առաջ և որ դավանանքի ազատությունը կապված չէ այն բանի հետ, թե որ կրոնական միավորման անդամ է հանդիսանում Վրաստանի քաղաքացին, Грузия-online-ի վրա հղում անելով գրում է թերթ.am-ը:
Սինոդը Վրաստանի իշխանություններին կոչ է արել ապագայում կրոնի հետ կապված օրինագծերի և նմանատիպ հարցերի ուսումնասիրման ընթացքում խորհրդակցություններ անցկացնել Պատրիարքարանի հետ, որպեսզի հնարավոր լինի խուսափել հետագա բարդություններից, ինչպես նաև կառավարական բանակցություններ սկսել երկրի տարածքից դուրս գնտվող Վրաստանի պատրիարքարանի թեմերի կարգավիճակի և ունեցվածքի հարցերի շուրջ:
Սինոդը իշխանություններին առաջարկել է ակտիվացնել գործողությունները Վրաստանի տարածքից դուրս գնտվող վրացական ազգային և հոգևոր հուշարձանների պահպանության ուղղությամբ, ինչպես նաև Վրաստանի անկախ պետականության և եկեղեցու ավտոկեֆալիայի՝ անկախության կորստի և պետականության վերականգնման միջև ընկած ժամանակահատվածում իրականացված «կրոնական քաղաքականությունն ու այլ գործողությունները» համարել ապօրինի: Առաջարկվել է նաև ստեղծել հանձնաժողով, որը մոնիտորինգի կենթարկի սահմանադրական համաձայնությամբ նախատեսված պարտավորությունների կատարման ընթացքը:
Սուրբ Սինոդը հոգևորականներին ու հավատավոր հոտին կոչ է արել հանգստություն դրսևորել և անկախ անհանգստության ալիքի պատճառներից՝ ձեռնպահ մնալ կամայական գործողություններից և աղոթել հանուն միասնության և խաղաղության: |
|
Բաժին: ՀՈԳԵՎՈՐ
| 140
Ավելացրեց: Akhaltskhanet
|
|
 |
Copyright MyCorp © 2012 |
 |
|
ახალციხის საინფორმაციო საიტი АХАЛЦИХСКИЙ ИНФОРМАЦИОННЫЙ САЙТ THE AKHALTSIKHE INFORMATION SITE ԱԽԱԼՑԽԱՅԻ ՏԵՂԵԿԱՏՎԱԿԱՆ ԿԱՅՔ ქ. ახალციხე, Ахалцихе, Ахцха ՀԱՅ-ՎՐԱՑԱԿԱՆ ՀԱՐԱԲԵՐՈՒԹՅՈՒՆՆԵՐ , ՍԱՄՑԽԵ-ՋԱՎԱԽՔ.Ախցխա, Ախալցիխե
|
