|
 |
|
 |
Գլխավոր » 2011 » Օգոստոս » 16 » ՋԱՎԱԽԱՀԱՅԵՐԸ ԴԵՄ ԵՆ ԱԶԳԱՅԻՆ ՓՈՔՐԱՄԱՍՆՈՒԹՅՈՒՆՆԵՐԻ ԴՊՐՈՑՆԵՐՈՒՄ ԲԻԼԻՆԳՎԻՍՏԻԿԱԿԱՆ ՀԱՄԱԿԱՐԳԻ ՆԵՐՄՈՒԾՄԱՆԸ
17:15 ՋԱՎԱԽԱՀԱՅԵՐԸ ԴԵՄ ԵՆ ԱԶԳԱՅԻՆ ՓՈՔՐԱՄԱՍՆՈՒԹՅՈՒՆՆԵՐԻ ԴՊՐՈՑՆԵՐՈՒՄ ԲԻԼԻՆԳՎԻՍՏԻԿԱԿԱՆ ՀԱՄԱԿԱՐԳԻ ՆԵՐՄՈՒԾՄԱՆԸ |
Ջավախահայերը դեմ են այս տարվա սեպտեմբերից Վրաստանում ազգային փոքրամասնությունների դպրոցներում կրթության բիլինգվիստիկական համակարգի ներմուծմանը, քանի որ դա կարող է սպառնալ հայոց լեզվի ուսուցանմանը: Այդ մասին Երևանում մամլո ասուլիսում հայտարարել է «Վիրք» կուսակցության նախագահ Դավիթ Ռստակյանը: Նա նշել է, որ սեպտեմբերից առարկաների առնվազն 30 տոկոսը պետք է ուսուցանվի հավասարապես երկու լեզուներով` հայերեն և վրացերեն: Ռստակյանի խոսքով, դպրոցների շատ տնօրեններ մտահոգված են նրանով, որ այդ նորամուծությունը սպառնալու է հայոց լեզվին, սակայն վախենում են հրապարակավ դեմ դուրս գալ դրան:
Ռստակյանը նաև հաղորդել է, որ հիմա Ախալքալակում կառուցվում է մեծ վրացական դպրոց 400 աշակերտի համար, այն դեպքում, երբ գյուղերին հարակից շրջաններից հազիվ հավաքվում է 100-120 վրացի աշակերտ: Նրա խոսքով, այդ դպրոցի գլխավոր նպատակը հայերին հայերենի փոխարեն վրացերեն սովորեցնելն է: Իր հերթին «Ջավախք» ժողովրդական շարժման ղեկավար Նորիկ Կարապետյանը ենթադրել է, որ այդ դպրոցը կարող է նախատեսված լինել Ջավախք տեղափոխվող վրացիների համար, որոնց օգնությամբ իշխանությունները ցանկանում են փոխել ժողովրդագրական իրավիճակը: Նա նշել է, որ հայոց լեզվին Ջավախքում պետք է տրվի Լեզուների եվրոպական խարտիային համապատասխան տարածաշրջանային կարգավիճակ, որը ստորագրել է նաև Վրաստանը: Կարապետյանը հավելել է, որ Ջավախքն այնտեղ ապրող հայերի հայրենիքն է, և նրանք իրավունք ունեն խոսել և աշխատել մայրենի լեզվով: |
|
Բաժին: ՍԱՄՑԽԵ-ՋԱՎԱԽՔ
| 133
Ավելացրեց: AkhaltskhaNews
|
|
 |
Copyright MyCorp © 2012 |
 |
|
ახალციხის საინფორმაციო საიტი АХАЛЦИХСКИЙ ИНФОРМАЦИОННЫЙ САЙТ THE AKHALTSIKHE INFORMATION SITE ԱԽԱԼՑԽԱՅԻ ՏԵՂԵԿԱՏՎԱԿԱՆ ԿԱՅՔ ქ. ახალციხე, Ахалцихе, Ахцха ՀԱՅ-ՎՐԱՑԱԿԱՆ ՀԱՐԱԲԵՐՈՒԹՅՈՒՆՆԵՐ , ՍԱՄՑԽԵ-ՋԱՎԱԽՔ.Ախցխա, Ախալցիխե
|
