|
Տերյանական եւ Ջիվանու օրեր Ջավախքում: Հուլիսի 18-ին` Տերյանի ծննդավայրում` Ջավախքի Գանձա գյուղում, կանցկացվի այս տարվա 44-երորդ միջոցառումը նվիրված աշնան երգչին, որին կմասնակցի նաեւ Հայաստանի կառավարական պատվիրակությունը: Հիշեցնենք,որ կառավարական հանձնաժողովի կողմից այս տարին հայտարարվել է Տերյանական տարի:
"Տերյանի ստեղծագործությունների կատարմամբ, երգով, պարով ժողովուրդը կնշի այդ օրը որպես Տերյանի օր",-մամլո ասուլիսի ժամանակ հայտնել է ՙՏերյան՚ մշակութային կենտրոնի ղեկավար Առուշան Հակոբյանը: Իսկ մինչ այդ, հուլիսի 17-ին Կարզախ գյուղում` աշուղ Ջիվանու ծննդավայրում, նախատեսված է անցկացնել մեծ աշուղին նվիրված Ջիվանու օր:
Առուշան Հակոբյան, "Տերյան" մշակույթի կենտրոնի ղեկավար. "Մի խումբ հետաքրքիր մտավորականներ, գրողներ, նկարիչներ ժամանակին հավաքվեցին եւ որոշեցին, որ Տերյանի ծննդավայրում պետք է անպայման անցկացնեն Տերյանական օրեր: Այդ ժամանակահատվածում անցկացվում էին նաեւ Ռուսթավելու օրեր Վրաստանում: Այդ տարածաշրջանում մի շարք այդպիսի օրեր են անցկացվում: Ճիշտ էր հատկապես Տերյանի հետ կապված այդ միջոցառումը կազմակերպել եւ անցկացնել: Եւ մենք շատ հաճույքով անցկացնում ենք այդ միջոցառումը":
yerkirmedia.am | 
