«Վրացական կողմը կարծում է, որ օգոստոսի 26–ին Աբխազիայում անցկացված նախագահական ընտրությունների ժամանակ Լեռնային Ղարաբաղի պատվիրակության այցն Աբխազիա չի  արտացոլում պաշտոնական Երևանի դիրքորոշումը»,– վրացական georgiatimes.info կայքի հաղորդմամբ՝ նման հայտարարությամբ է հանդես եկել Վրաստանի փոխարտգործնախարար Նինո Կալանդաձեն։

Կալանդաձեն նշել է, որ Երևանի դիրքորոշումն իրենց հայտնի է. «Հայաստանը պաշտպանում է Վրաստանի տարածքային ամբողջականությունն ու  սուվերենությունը և չի ճանաչում այն ընտրությունները, որոնք տեղի են ունեցել Աբխազիայում։ Այնպես որ որևէ հիմք չկա՝ այդ թեման կասկածի տակ դնելու համար»,– ասել է Կալանդաձեն։

Վրաստանի փոխարտգործնախարարը հավելել է, որ ԼՂ պատվիրակությունը նախագահական ընտրություններին մասնակցել է դիտորդի կարգավիճակում։