|
 |
|
 |
Գլխավոր » 2011 » Նոեմբեր » 25 » ՆՈՐԱԿԱՌՈՒՅՑ ՄԱՆԿԱՊԱՐՏԵԶ ՎԱՉԻԱՆ ԳՅՈՒՂՈՒՄ
18:37 ՆՈՐԱԿԱՌՈՒՅՑ ՄԱՆԿԱՊԱՐՏԵԶ ՎԱՉԻԱՆ ԳՅՈՒՂՈՒՄ |
Նոյեմբերի 23-ին Ախալքալաքի Վաչիան գյուղում տեղի ունեցավ նորակառույց մանկապարտեզի բացումը: Վերջապես կատարվեց վաչիանցիների երազանքը` գյուղը ունեցավ մանկապարտեզ:
Մանկապարտեզը կառուցվել է ծնունդով վաչիանցի, մոսկվայաբնակ բարերար` Լյովա Մանուկյանի բարեգործությամբ:
Լյովա Մանուկյանը ծնողների Վազգենի եւ Հայկանուշի միջնեկ որդին է: Հայրական օջախը հավերժ պահելու նպատակով հոր մահից հետո, նա որոշում է հայրական տունը դարձնել մանկապարտեզ:
Մանկապարտեզի բացմանը ներկա էին շրջանի ղեկավարությունը, քաղաքի մանկապարտեզների տնօրենները, Վաչիանի հասարակությունը, մանկապարտեզի սաները, ծնողները եւ այլք: Նորաբաց մանկապարտեզին Ախալքալաքի մունիցիպալիտետի ղեկավարությունը նվիրեց համակարգիչ.
‹‹Ես շնորհավորում եմ նոր մանկապարտեզի կապակցությամբ: Շնորհակալություն եմ հայտնում Լյովա Մանուկյանին գյուղում մանկապարտեզ կառուցելու համար: Մանուկյանը կառուցել է, մենք էլ այն ֆինանսավորելու ենք››-ասաց մունիցիպալիտետի ժողովի նախագահ Համլետ Մովսիսյանը:
Միաժամանակ հույս հայտնեց, որ այն շարունակական բնույթ կկրի եւ մյուսներին եւս կվարակի ու նմանատիպ ծրագրեր կիրականացվեն մնացած գյուղերում:
Նորաբաց մանկապարտեզին իր օրհնությունը բերեց Ջավախքի ընդանուր առաջնորդական փոխանորդ Տեր Բաբկեն աբեղա Սալբիանը:
Վաչիան գյուղի նորակառույց մանկապարտեզը նախատեսված է մոտ 100 երեխայի համար : իր հարմարավետության շնորհիվ երեխաների ծնողները չափազանց ուրախ են մանկապարտեզի բացման համար:
‹‹Բոլոր ծնողների կողմից շնորհակալություն եմ հայտնում: Սա շատ կարեւոր իրադարձություն է մեզ համար: Մեծ առավելություն ունի մանկապարտեզ հաճախող երեխան: Երեխաները փոխվում են թե գիտելիքով, թե կուլտուրայով եւ ավելի պատրաստ կլինի դպրոց գնալու››-ասաց Վաչիան գյուղի բնակիչ Անահիտ Մովսիսյանը:
Մանկապարտեզն այսօր 17 աշխատատեղ է ապահովում : ֆինանսավորվում է Ախալքալաքի քաղաքապետարանի բյուջեից:
|
|
Բաժին: ԱԽԱԼՑԽԱՅԻ ՎԵՐԱԾՆՈՒՆԴ
| 262
Ավելացրեց: Akhaltskhanet
|
|
 |
Copyright MyCorp © 2012 |
 |
|
ახალციხის საინფორმაციო საიტი АХАЛЦИХСКИЙ ИНФОРМАЦИОННЫЙ САЙТ THE AKHALTSIKHE INFORMATION SITE ԱԽԱԼՑԽԱՅԻ ՏԵՂԵԿԱՏՎԱԿԱՆ ԿԱՅՔ ქ. ახალციხე, Ахалцихе, Ахцха ՀԱՅ-ՎՐԱՑԱԿԱՆ ՀԱՐԱԲԵՐՈՒԹՅՈՒՆՆԵՐ , ՍԱՄՑԽԵ-ՋԱՎԱԽՔ.Ախցխա, Ախալցիխե
|
