Փետրվարի 13-ին Վրաստանի նախագահ` Միխեիլ Սահակաշվիլին այցելեց Սամցխե-Ջավախքի տարածաշրջան: Նինոծմինդայում Նախագահը բացեց ոստիկանության նոր շինություն, իսկ Ախալքալաքի Արագովա գյուղում լեռնադահուկային մարզադպրոց եւ 300 մետրանոց դահուկային ճանապարհ:
Ախալքալաքից նախագահ Միխեիլ Սահակաշվիլին ուղեւորվեց Ախալցխա, որտեղ քաղաքի համար 5 հանրային դպրոցում բացեց ‹‹ապագայի դասարան›› եւ զրուցեց դպրոցի աշակերտների հետ:
Տվյալ դասարանը հագեցած է համակարգչային վերջին տեխնոլոգիայով, վիրտուալ ուսուցչով, սենսորային մոնիտորներով եւ գրագետ գրատախտակով, որոնց շնորհիվ աշակերտները կկարողանան անցկացնել հետաքրքիր եւ արդյունավետ դասընթացներ:
‹‹Եթե երեխան սովորի տվյալ դասարանում նա շատ արագ կսկսի զարգանալ եւ նրա մոտ կձեւավորվի ժամանակակից մարդու մտածելակերպ, նման մարդու պահանջարկը միշտ բարձր է լինելու հասարակության շրջանում: Նա երբեք չի տեսնելու չքավորություն եւ ես համարում եմ որ նման դասարանների բացումը արդյունավետ պայքարի միջոց է չքավորության դեմ›› -հայտարարեց նախագահ Միխեիլ Սահակաշվիլին:
Տվյալ դասարանը նախատեսված է, ինչպես ճշգրիտ առարկաների, այնպես էլ լեզուների ուսումնասիրության համար:
