|
 |
|
 |
Գլխավոր » 2011 » Հուլիս » 31 » ՊԱՅԾԱՌԱԿԵՐՊՈՒԹՅԱՆ ՏՈՆ ԿԱՄ ՎԱՐԴԱՎԱՌ
10:41 ՊԱՅԾԱՌԱԿԵՐՊՈՒԹՅԱՆ ՏՈՆ ԿԱՄ ՎԱՐԴԱՎԱՌ |
Քրիստոսի Պայծառակերպությունը Հայ Առաքելական Եկեղեցու հինգ տաղավար տոներից է և խորհրդանշում է Քրիստոսի պայծառակերպությունը Պետրոս, Հովհաննես և Հակոբոս առաքյալների առջև, որն, ըստ ավանդության, տեղի է ունեցել Թաբոր կոչված լեռան վրա։
Քրիստոսի պայծառակերպության մասին վկայում են Մատթևոս (17։1-13), Մարկոս (9։1-12) և Ղուկաս (9։28-36) ավետարանիչները։
«...Եւ նրա դեմքը փայլեց ինչպես արեգակը. և նրա զգեստները դարձան սպիտակ ինչպես լույսը։ Եւ ահա նրանց երևացին Մովսեսն ու Եղիան, որ խոսում էին նրա հետ։ Պետրոսը պատասխան տվեց և ասաց Հիսուսին. «Տե՛ր, լավ է, որ մենք այստեղ ենք. եթե կամենաս, երեք տաղավարներ շինենք, մեկը՝ քեզ համար, մեկը՝ Մովսեսի, մեկն էլ՝ Եղիայի»։ Եւ մինչ նա դեռ խոսում էր , ահա մի լուսավոր ամպ նրանց վրա հովանի եղավ. ամպից մի ձայն եկավ ու ասաց. «Դա՛ է իմ սիրելի Որդին, որին հավանեցի, դրա՛ն լսեցեք»։ Երբ աշակերտներըայս լսեցին, իրենց երեսի վրա ընկանև սաստիկ վախեցան։ Եւ Հիսուս, մոտենալով, դիպավ նրանց ու ասաց. «Ոտքի՛ ելեք և մի վախեցեք»։ նրանք աչքները բարձրացրին և Հիսուսից բացի ոչ ոքի չտեսան» (Մատթ. 17։2-8)։
Հայ եկեղեցում Քրիստոսի Պայծառակերպությունը տոնվում է Զատիկից 98 օր հետո, որ կարող է հանդիպել հունիսի 28-ից մինչև օգոստոսի 1-ը ընկած ժամանակահատվածում։ Հայաստանյայց եկեղեցում տոնը կոչվում է նաև Այլակերպության տոն և կամ Վարդավառ։ Վերջինս հին հայկական տոնի անունից է, որի հետ է կապվում նաև միմյանց վրա ջուր ցողելու սովորույթը։
Պայծառակերպության տոնին հաջորդող երկուշաբթի օրը մեռելոց է։ |
|
Բաժին: ՀՈԳԵՎՈՐ
| 138
Ավելացրեց: Akhaltskhanet
|
|
 |
Copyright MyCorp © 2012 |
 |
|
ახალციხის საინფორმაციო საიტი АХАЛЦИХСКИЙ ИНФОРМАЦИОННЫЙ САЙТ THE AKHALTSIKHE INFORMATION SITE ԱԽԱԼՑԽԱՅԻ ՏԵՂԵԿԱՏՎԱԿԱՆ ԿԱՅՔ ქ. ახალციხე, Ахалцихе, Ахцха ՀԱՅ-ՎՐԱՑԱԿԱՆ ՀԱՐԱԲԵՐՈՒԹՅՈՒՆՆԵՐ , ՍԱՄՑԽԵ-ՋԱՎԱԽՔ.Ախցխա, Ախալցիխե
|
