|
 |
|
 |
Գլխավոր » 2011 » Հունվար » 11 » ՎՐԱՑ ՊԱՏՐԻԱՐՔԸ ՀՈՒՅՍ Է ՀԱՅՏՆԵԼ ՈՐ ԳԱՐԵԳԻՆ Բ-Ի ԱՅՑԵԼՈՒԹՅՈՒՆԸ ՎՐԱՍՏԱՆ ԱՅՍ ՏԱՐԻ ԿԻՐԱԿԱՆԱՆԱ
15:38 ՎՐԱՑ ՊԱՏՐԻԱՐՔԸ ՀՈՒՅՍ Է ՀԱՅՏՆԵԼ ՈՐ ԳԱՐԵԳԻՆ Բ-Ի ԱՅՑԵԼՈՒԹՅՈՒՆԸ ՎՐԱՍՏԱՆ ԱՅՍ ՏԱՐԻ ԿԻՐԱԿԱՆԱՆԱ |
Հունվարի 10-ին Վրաստանի հայ համայնքի ներկայացուցիչները՝ Վիրահայոց թեմի առաջնորդ Տ. Վազգեն եպիսկոպոս Միրզախանյանի եւ Վրաստանում Հ.Հ. արտակարգ եւ լիազոր դեսպան՝ Հրաչ Սիլվանյանի գլխավորությամբ այցելել են Վրաց Ուղղափառ եկեղեցու Պատրիարքարան, ուր նրանց դիմավորել է Վրաց Եկեղեցու միջեկեղեցական հարաբերությունների պատասխանատու Գերասիմ միտրոպոլիտը եւ ուղեկցել Պատրիարքի պաշտոնական ընդունարան:
Ինչպես տեղեկացնում է «news.am»-ը, Համայն վրաց Պատրիարք Իլիա Բ-ն ջերմորեն ընդունել է վիրահայ պատվիրակությանը եւ վրաց եկեղեցու անունից շնորհավորել հայ ժողովրդին, Հայ եկեղեցուն ու ՀՀ նախագահին, Նոր տարվա եւ Սուրբ Ծննդյան տոների առիթով:
Հանդիպմանը շնորհավորական եւ ողջույնի խոսքով հանդես են եկել թեմի Առաջնորդ Տ. Վազգեն եպիսկոպոս Միրզախանյանը, ՀՀ Արտակարգ եւ լիազոր դեսպան Հրաչ Սիլվանյանը, «Վրաստան» թերթի գլխավոր խմբագիր Վան Բայբուրթը, Վրաստանի հայտնի մտավորական եւ հասարակական գործիչ՝ Գիվի Շահնազարը եւ Վրաստանում հայ գործարարների միության ներկայացուցիչ Սամվել Աղեկյանը, Վիրահայ պատվիրակությունը Համայն Վրաց Պատրիարքին փոխանցեց նաեւ Վրացահայ հայտնի գեղանկարիչ Լեւ Բոյախչեւի աշխատանքը:
Իլիա Բ-ն մեկ անգամ եւս իր հարգանքը եւ բարեկամական սերն է արտահայտել համայն հայության հանդեպ եւ հորդորել հավատարիմ մնալ դարերից եկող հայ-վրացական եղբայրության եւ բարեկամությանը, հույս հայտնելով, որ միասնական ուժերով կհաղթահարվեն մեր եկեղեցիներին եւ ժողովուրդներին հուզող հարցերը:
Իլիա Պատրիարքը վիրահայ պատվիրակությանը նվիրել է Պատրիարքարանի մառանից գինի` հույս հայտնելով, նաեւ որ այս տարի կկայանա Նորին Սրբություն Գարեգին Բ եղբայրական այցը Վրաստան եւ ինքը պատրաստ է ջերմորեն ընդունելու Ամենայն հայոց կաթողիկոսին եւ վերահաստատել հայ–վրացական եկեղեցական հնամենի բարեկամությունը:
Հիշեցնենք, որ Գագեգին Բ-ի այցելությունը Վրաստան արդեն մի քանի անգամ հետաձգվել է Վրաց պատրիարքի նախաձեռնությամբ՝ տարբեր պատճառաբանություններով:
|
|
Բաժին: ՀՈԳԵՎՈՐ
| 230
Ավելացրեց: Akhaltskhanet
|
Արտատպելիս հղումը akhaltskha.net-ին պարտադիր է:
Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ:
|
 |
Copyright MyCorp © 2012 |
 |
|
ახალციხის საინფორმაციო საიტი АХАЛЦИХСКИЙ ИНФОРМАЦИОННЫЙ САЙТ THE AKHALTSIKHE INFORMATION SITE ԱԽԱԼՑԽԱՅԻ ՏԵՂԵԿԱՏՎԱԿԱՆ ԿԱՅՔ ქ. ახალციხე, Ахалцихе, Ахцха ՀԱՅ-ՎՐԱՑԱԿԱՆ ՀԱՐԱԲԵՐՈՒԹՅՈՒՆՆԵՐ , ՍԱՄՑԽԵ-ՋԱՎԱԽՔ.Ախցխա, Ախալցիխե
|
