|
 |
|
 |
Գլխավոր » 2011 » Հուլիս » 12 » ՎՐԱՑԻ ԵՊԻՍԿՈՊՈՍ. ՀԱՅ ԱՌԱՔԵԼԱԿԱՆ ԵԿԵՂԵՑԻՆ ՉԻ ՀԱՎԱՍԱՐՎԵԼ ՎՐԱՑ ՈՒՂՂԱՓԱՌ ԵԿԵՂԵՑՈՒՆ
12:05 ՎՐԱՑԻ ԵՊԻՍԿՈՊՈՍ. ՀԱՅ ԱՌԱՔԵԼԱԿԱՆ ԵԿԵՂԵՑԻՆ ՉԻ ՀԱՎԱՍԱՐՎԵԼ ՎՐԱՑ ՈՒՂՂԱՓԱՌ ԵԿԵՂԵՑՈՒՆ |
Կրոնական ժողովին պետք է բացատրել, որ Վրաստանում կրոնական միավորումներին կարգավիճակ տալով, Հայ առաքելական եկեղեցին չի հավասարվում Վրաց ուղղափառ եկեղեցուն: Այս մասին հայտարարել է Վրաստանի Բորժոմիի եւ Բակուրիանիի եպիսկոպոս Սերափիմեն, գրում է news.am-ը հղում անելով վրացական «Պիրվելի» գործակալությունը:
«Հայկական կողմը հայտարարել է, որ Վրաստանի տարածքում գտնվող 600 եկեղեցի իրենց է պատկանում, որից 6-ի հաստատումը նրանք շտապ են պահանջում»,-նշել է նա, ընդգծելով, որ կառավարությունը «Քաղաքացիական օրենսգրքում» փոփոխությունները մտցրել է միմիայն ուղղափառ եւ առաքելական եկեղեցիների հարաբերությունների բարելավման նպատակով:
«Զարմանալի է, մենք խոսում ենք միայն նրա մասին, թե ինչ կարգավիճակ ենք տվել կրոնական միավորումներին, իսկ այն, որ Ադրբեջանի տարածքում գտնվող վրացական Սաինգիլոյում վրացիներին արգելում են այցելել եկեղեցի, դրա մասին չենք խոսում: Այդպիսին ենք վրացիներս: Հաճախ փորձում ենք, որ Հռոմի պապից լավ կաթոլիկ լինենք»,-ընդգծել է եպիսկոպոսը:
Հիշեցնենք, որ Վրաստանի խորհրդարանը հուլիսի 5-ին արագացված կարգով փոփոխություններ էր կատարել Քաղաքացիական օրենսգրքում եւ կարգավիճակ էր տվել հայ առաքելական, հռոմեա-կաթոլիկ եւ բապտիստական եկեղեցիներին, հրեական եւ մահմեդական համայնքներին: Այս որոշմանը դեմ էր արտահայտվել Վրաց պատրիարք Իլյա Երկրորդը: Ի պաշտպանություն նրա դիրքորոշման` հուլիսի 10-ին Թբիլիսիում երթ էր կազմակերպվել:
|
|
Բաժին: ՀՈԳԵՎՈՐ
| 146
Ավելացրեց: Akhaltskhanet
|
Արտատպելիս հղումը akhaltskha.net-ին պարտադիր է:
Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ:
|
 |
Copyright MyCorp © 2012 |
 |
|
ახალციხის საინფორმაციო საიტი АХАЛЦИХСКИЙ ИНФОРМАЦИОННЫЙ САЙТ THE AKHALTSIKHE INFORMATION SITE ԱԽԱԼՑԽԱՅԻ ՏԵՂԵԿԱՏՎԱԿԱՆ ԿԱՅՔ ქ. ახალციხე, Ахалцихе, Ахцха ՀԱՅ-ՎՐԱՑԱԿԱՆ ՀԱՐԱԲԵՐՈՒԹՅՈՒՆՆԵՐ , ՍԱՄՑԽԵ-ՋԱՎԱԽՔ.Ախցխա, Ախալցիխե
|
