Վրաստանի փոխարտգործնախարար Նինո Կալանդաձեն այսօր տեղի ունեցած ճեպազրույցի ժամանակ հայտարարել է, որ Վրաստանն իր օդային տարածքը ռուսական ռազմաբեռները Հայաստան (տարանցիկ ճանապարհով) տեղափոխելու  համար չի բացել։ Նշենք, որ  Wikileaks կայքի գաղտնազերծած փաստաթղթերից մեկն անդրադարձել էր վերոնշյալ ճանապարհով բեռնափոխադրմանը։

Ինչպես հաղորդում է ռուսական Vz.ru կայքը, Կալանդաձեն հիշեցրել է, որ Ռուսասատանի հետ համապատասխան համաձայնագիրը Վրաստանը չեղյալ է  հայտարարել։ Փոխարտգործնախարարը խորհուրդ է տվել  «զգուշորեն վերաբերվել» Wikileaks–ի հրապարակումներին։

Կալանդաձեն ասել է նաև, որ վերջին անգամ Ռուսաստանը իր ռազմական բեռների տարանցման հարցով Վրաստանին դիմել էր մինչև  2008թ. ռուս–վրացական պատերազմը և մերժում ստացել։