|
 |
|
 |
Գլխավոր » 2011 » Հուլիս » 19 » ՎՐԱՍՏԱՆՈՒՄ ՇԱՐՈՒՆԱԿՎՈՒՄ ԵՆ ՀԱԿԱՀԱՅԿԱԿԱՆ ԵԼՈՒՅԹՆԵՐԸ
09:26 ՎՐԱՍՏԱՆՈՒՄ ՇԱՐՈՒՆԱԿՎՈՒՄ ԵՆ ՀԱԿԱՀԱՅԿԱԿԱՆ ԵԼՈՒՅԹՆԵՐԸ |
Վրաստանի «Ինքնապաշտպանություն» շարժման անդամ Լադո Սադգոբելաշվիլին եւ ռեժիսոր Զազա Սվանաձեն մեղադրում են «Բազմազգ Վրաստան» քաղաքացիական շարժման նախագահ Առնոլդ Ստեփանյանին «Վրաստանին դավաճանելու եւ սեփական գործարար շահերով առաջնորդվելու մեջ»։ Ինչպես հաղորդում է «Грузия Online», ռեժիսոր Սվանաձեն ասել է, որ վերջին օրերի ընթացքում Ստեփանյանը Վրաստանում հակահայկական 38 ելույթներ է արձանագրել, ինչպես նաեւ մեղադրել Վրաստանում հանրաճանաչ մարդկանց ծայրահեղականության մեջ։
«Այդ ցուցակում Մարիկա Լորդկիպանիձեի, Թեմուր Շաշիաշվիլիի, Սոսո Մանջավաձեի եւ Ռեզո Ամաշուկելիի կողքին հայտնվել եմ նաեւ ես։ Անհասկանալի է, ինչո՞ւ է Ստեփանյանը մեղադրում մեզ ծայրահեղականության քարոզի մեջ, երբ այդ նույն բանը անում են էթնիկ հայերը։ Պետք է նշել, որ Ստեփանյանը սկզբից եւեթ հայտարարում էր, որ այդ փաստաթուղթը նրան հարկավոր էր դատախազություն ներկայացնելու համար։ Սակայն այժմ հայտնի է դարձել, որ Ստեփանյանը այդ ցուցակը հանձնելու է Վրաստանում հավատարմագրված դեսպանություններին, որ նրանք մեզ մուտքի արտոնագիր հետագայում չտրամադրեն»,- ասել է ռեժիսորը։
«Ինքնապաշտպանության» անդամ Լադո Սադգոբելաշվիլիի խոսքով՝ Ստեփանյանը ինքն է ծայրահեղականություն քարոզում։ Նրան հետաքրքրում է, թե ո՞վ է իրականում Առնոլդ Ստեփանյանը՝ գործարար, թե՞ իրավապաշպան։ «Մենք լավ ենք հիշում, որ նա մի քանի տարի առաջ պահանջում էր Ջավախքի ինքնավար հանրապետություն ստեղծեր։ Լավ հայտնի է նաեւ, որ նա Թբիլիսիում լավ բիզնես ունի։ Իմ կարծիքով Ստեփանյանը Վրաստանի դավաճան է»,- եզրակացրել է Սադգոբելաշվիլին։ |
|
Բաժին: ՀԱՅ-ՎՐԱՑԱԿԱՆ ՀԱՐԱԲԵՐՈՒԹՅՈՒՆՆԵՐ
| 201
Ավելացրեց: Akhaltskhanet
|
Արտատպելիս հղումը akhaltskha.net-ին պարտադիր է:
Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ:
|
 |
Copyright MyCorp © 2012 |
 |
|
ახალციხის საინფორმაციო საიტი АХАЛЦИХСКИЙ ИНФОРМАЦИОННЫЙ САЙТ THE AKHALTSIKHE INFORMATION SITE ԱԽԱԼՑԽԱՅԻ ՏԵՂԵԿԱՏՎԱԿԱՆ ԿԱՅՔ ქ. ახალციხე, Ахалцихе, Ахцха ՀԱՅ-ՎՐԱՑԱԿԱՆ ՀԱՐԱԲԵՐՈՒԹՅՈՒՆՆԵՐ , ՍԱՄՑԽԵ-ՋԱՎԱԽՔ.Ախցխա, Ախալցիխե
|
