|
 |
|
 |
Գլխավոր » 2011 » Նոեմբեր » 30 » ՎՐԱՍՏԱՆԸ ՀԱՅԱՍՏԱՆԻ ԿԱՅՈՒՆ ՏՆՏԵՍԱԿԱՆ ԳՈՐԾԸՆԿԵՐՆ Է
20:23 ՎՐԱՍՏԱՆԸ ՀԱՅԱՍՏԱՆԻ ԿԱՅՈՒՆ ՏՆՏԵՍԱԿԱՆ ԳՈՐԾԸՆԿԵՐՆ Է |
Վրաստանում կան 107 ընկերություններ հայկական կապիտալով, իսկ Հայաստանում գործում են վրացական կապիտալով 170 ընկերություններ: Այդ մասին լրագրողների հետ զրույցում հայտարարել է Հայաստանում Առետւրա-արդյունաբերողների պալատի ղեկավար Արսեն Ղազարյանը, ով մասնակցում է Թբիլիսիում ընթացող հայ-վրացական բիզնես համաժողովին:
news.am-ի թղթակիցը Վրաստանի մայրաքաղաքից հայտնում է, թե Ղազարյանն ասել է, որ Հայաստանը մեծ կարեւորություն է տալիս Վրաստանի տարածքով ապրանքների տարանցմանը: «Մենք մեծ կարեւորություն ենք տալիս Վրաստանի հետ տնտեսական հարաբերություններին, որը մեր ամենակայուն, երաշխավորված գործընկերն է: Երբ շուկաները հավասարաչափ են զարգանում, դա ձեռնտու է երկու կողմերին: Ժամանակ է եղել, երբ վրացական շուկան անբավարար զարգացած է, դա ձեռնտու չի եղել: Այսօրվա դրությամբ մենք նախատեսում ենք Վրաստանում հայկական կապիտալով ընկերությունների ստեղծումը, պայմանով, որ հիմնական կապիտալը, կառավարումը մնան Հայաստանում, իսկ Վրաստանում լինի մասնաճյուղը»,- ասել է Ղազարյանը:
Անդրադառնալով բեռնափոխադրումներին, Ղազարյանը նկատել է, որ Վրաստանը Հայաստանի համար երկու ճանապարհներից մեկն է. «Այսօրվա դրությամբ, երկաթուղային բեռնափոխադրումներում Հայաստանի նկատմամբ չկա երկակի վերաբերմունք, անգամ ռուս-վրացական հակամարտության ժամանակ բեռները Հայաստան էին հասցվում սովորական ռեժիմով: Ինչ վերաբերում է Վերին Լարսի ճանապարհին, պետք է հասկանալ, որ դա սեզոնային ճանապարհ է, եւ ձնաբքերի ժամանակ այն պաշտոնապես եւ ոչ պաշտոնապես փակվում է: Այստեղ ճանապարհի համատեղ շահագործման, այն ձմեռային ամիսներին ավելի արդյունավետ դարձնելու խնդիր կա: Վստահ եմ, որ այս համաժողովում տվյալ խնդրի լուծման ուղիներ կգտնենք»:
Նա նաեւ նշել է, թե Վերին Լարսում մնացած բեռնատարների մի մասը երեք օր առաջ փոխել է ուղղույունը եւ ճանապարհը կշարունակի լաստանավերով, բայց մի մասը մնացել է: |
|
Բաժին: news.am
| 72
Ավելացրեց: AkhaltskhaNews
|
Արտատպելիս հղումը akhaltskha.net-ին պարտադիր է:
Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ:
|
 |
Copyright MyCorp © 2012 |
 |
|
ახალციხის საინფორმაციო საიტი АХАЛЦИХСКИЙ ИНФОРМАЦИОННЫЙ САЙТ THE AKHALTSIKHE INFORMATION SITE ԱԽԱԼՑԽԱՅԻ ՏԵՂԵԿԱՏՎԱԿԱՆ ԿԱՅՔ ქ. ახალციხე, Ахалцихе, Ахцха ՀԱՅ-ՎՐԱՑԱԿԱՆ ՀԱՐԱԲԵՐՈՒԹՅՈՒՆՆԵՐ , ՍԱՄՑԽԵ-ՋԱՎԱԽՔ.Ախցխա, Ախալցիխե
|
