|
 |
|
 |
Գլխավոր » 2011 » Դեկտեմբեր » 23 » ԸՆԴՈՒՆԵՔ ՄԵՐ ԽՈՐԻՆ ԵՐԱԽՏԱԳԻՏՈՒԹՅՈՒՆԸ ԱՅՍ ՀԱՄԱՐՁԱԿ ԿԵՑՎԱԾՔԻ ՀԱՄԱՐ. ԱՐԱՄ Ա ԿԱԹՈՂԻԿՈՍԸ՝ ՆԻԿՈԼԱ ՍԱՐԿՈԶԻԻՆ
19:40 ԸՆԴՈՒՆԵՔ ՄԵՐ ԽՈՐԻՆ ԵՐԱԽՏԱԳԻՏՈՒԹՅՈՒՆԸ ԱՅՍ ՀԱՄԱՐՁԱԿ ԿԵՑՎԱԾՔԻ ՀԱՄԱՐ. ԱՐԱՄ Ա ԿԱԹՈՂԻԿՈՍԸ՝ ՆԻԿՈԼԱ ՍԱՐԿՈԶԻԻՆ |
Արամ Ա-ն Հայոց ցեղասպանության ժխտումը քրեականացնող օրինագծի վավերացման առթիվ նամակ է հղել Ֆրանսիայի նախագահին, որը ներկայացնում ենք ստորև.
Սիրելի’ պարոն Նախագահ,
որպես Մեծի Տանն Կիլիկիո կաթողիկոս` հատուկ ուրախությամբ ողջունում եմ Ֆրանսիայի խորհրդարանի ընդունած`Հայոց ցեղասպանության ժխտումը քրեականացնող օրինագծի վավերացման վերաբերյալ որոշումը: Ողջունում եմ նաև Ձեր`Երևանում հնչեցրած վերջին հայտարարությունը, որտեղ Դուք մեկ անգամ ևս վերահաստատեցիք Հայոց ցեղասպանության պատմական իրողության հանդեպ ֆրանսիացի ժողովրդի հստակ և ամուր կեցվածքը:
Ցեղասպանության զոհ դարձան հատկապես Կիլիկիայի հայերը, որի հետևանքով Կիլիկիայի Կաթողիկոսությանը պարտադրվեց հաստատվել Լիբանանում`Անթիլիասում:
Արդարև, Ֆրանսիան մարդկային արժեքների ու իրավունքների և արդարության նկատմամբ ունեցած հավատարմության ու հանձնառության շնորհիվ օրինակ կդառնա այն բոլոր երկրների համար, որոնք շարունակում են ուրանալ Հայոց ցեղասպանությունը: Այս պատմական իրողության հանդեպ ժխտողական կեցվածքը նոր ցեղասպանությունների պատճառ կարող է դառնալ: Հետևաբար, միջազգային հանրությունն ավելի լուրջ մոտեցում պետք է որդեգրի Հայոց ցեղասպանության հարցում, որը շարունակում է մնալ անպատիժ:
Հայոց ցեղասպանության հանդեպ Ձեր և Ֆրանսիայի կեցվածքը, պրն. Նախագահ, խորհրդանշում է միջազգային հանրությունում մարդու իրավունքների պաշտպանությանն ուղղված Ֆրանսիայի եզակի դերը:
Խնդրում եմ, պրն. նախագահ, ընդունել հայ ժողովրդի, հատկապես Մեր խորին երախտագիտությունը Ֆրանսիայի ժողովրդի ու ֆրանսիական պետության որդեգրած այս համարձակ կեցվածքի համար:
Աղոթքով և օրհնությամբ` Մեծի Տանն Կիլիկիո Արամ Ա կաթողիկոս:
|
|
Բաժին: ԹԵՐԹ.am
| 92
Ավելացրեց: AkhaltskhaNews
|
Արտատպելիս հղումը akhaltskha.net-ին պարտադիր է:
Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ:
|
 |
Copyright MyCorp © 2012 |
 |
|
ახალციხის საინფორმაციო საიტი АХАЛЦИХСКИЙ ИНФОРМАЦИОННЫЙ САЙТ THE AKHALTSIKHE INFORMATION SITE ԱԽԱԼՑԽԱՅԻ ՏԵՂԵԿԱՏՎԱԿԱՆ ԿԱՅՔ ქ. ახალციხე, Ахалцихе, Ахцха ՀԱՅ-ՎՐԱՑԱԿԱՆ ՀԱՐԱԲԵՐՈՒԹՅՈՒՆՆԵՐ , ՍԱՄՑԽԵ-ՋԱՎԱԽՔ.Ախցխա, Ախալցիխե
|
