Անցյալի պատմությունը մի լուսատու լապտեր է, որ ամեն մի ժողովուրդ ձեռքին պետք է ունենա իր ճամփեն անմոլոր գնալու համար:
Հովհաննես Թումանյան
Արդեն ավարտին է մոտենում ՎՀԳՄ, ՀԳՄ անդամ , գրող, ազգագրագետ Ալբերտ Իսոյանի անունը կրող թանգարանի կառուցման աշխատանքները, և բոլոր հավաքված նմուշներն իրենց տեղը կզբաղեցնեն արդեն ամռանը։
Անվանի գրողների, մշակույթի և գիտության ոլորտի մարդկանց նվիրված ստենդները թանգարանում կներկայացվեն տարբեր խորագրերով։ Այնտեղ առկա բոլոր նյութերի օգնությամբ թանգարան այցելող ցանկացած մարդ ամբողջովին կտեղեկանա գյուղի թե´ անցյալի, և թե´ ներկայիս պատմությանը։
Իր կյանքի ամբողջ ընթացքում շատ դժվարությամբ հավաքած ազգագրագետի բոլոր նյութերն ի վերջո հասանելի կդառնան բոլորի համար, ովքեր կայցելեն թանգարան։
Այդ ամենից բացի այնտեղ տեղ կգտնեն նաև հայկական երաժտական, հողագործության և կենցաղային այլ իրեր, Սաթխա գյուղի ժողովրդի և նրա անցած բոլոր ճանապարհի մասին պատմող գրքեր և նույնիսկ մեր նախնիների ոսկորներ։
Նշանավոր բոլոր մարդկանց նկարները թանգարանում կտեղադրվեն իրենց մասին պատմող կենսագրական նյութերով , որոնք Ալբերտ Իսոյանը կատարում է իր որդիների՝ Արթուրի և Արազի աջակցությամբ և ֆինանսավորությամբ։
Սաթխա գյուղի գետի ափին Ժայռաքարերով կառուցված հնաոճ այս թանգարանի դռները բաց են լինելու բոլորի առջև , և շատ քիչ ժամանակում այն դառնալու է շրջանի տեսարժան վայրերից մեկը։