Հայաստանի արտաքին գերատեսչության ղեկավարի պաշտոնակատար Արա Այվազյանը Հայաստանում Իրանի դեսպան Աբբաս Բադախշան Զոհուրիի հետ այսօր քննարկել է տարածաշրջանային անվտանգության և խաղաղության հարցերը։
Անդրադառնալով Հայաստանի սահմանամերձ մարզերում Ադրբեջանի սադրիչ գործողությունների հետևանքով ստեղծված իրադրությանն՝ Արա Այվազյանը շեշտել է Հայաստանի ինքնիշխան տարածք ներթափանցած ադրբեջանական զինված ուժերի անհապաղ և անվերապահ դուրսբերման հրամայականը։