Վրաստանի ֆինանսական համակարգը դիմակայում է ճգնաժամին։
Նման կարծիք է հայտնել Վրաստանի Ազգային բանկի ղեկավար Կոբա Գվենետաձեն։ «Ֆինանսական համակարգի կայունությունը մեր մշտական նպատակն է։ Մենք մշտապես հոգ ենք տանում դրա մասին, և ֆինանսական համակարգը լավ է կարողանում դիմակայել իրավիճակին՝ շնորհիվ այն միջոցառումների և վերլուծությունների, որոնք մենք մշտապես իրականացնում ենք»,- ասել է Գվենետաձեն։
Ազգային բանկի ղեկավարը նշել է, որ լինելով համաշխարհային ֆինանսական համակարգի մաս՝ Վրաստանը պետք է ապահովի Ռուսաստանի դեմ Արևմուտքի կողմից սահմանված պատժամիջոցների պահպանումը։