Թբիլիսիի Ռուսթավելի պողոտայում հազարավոր քաղաքացիներ հավաքվել էին «Տուն դեպի Եվրոպա» ակցիային՝ ի պաշտպանություն եվրաինտեգրման։
Ցուցարարների մեծ թվի պատճառով երթեւեկությունը արգելափակվել է։ Մետրոյի կայարանները նույնպես մարդաշատ են։
Ակցիային միանում են համալսարանի ուսանողներն ու քաղաքացիները, ովքեր կարծում են, որ Վրաստանը չպետք է կորցնի Եվրամիությանն ինտեգրվելու պատմական հնարավորությունը։
Ակցիան կազմակերպել է Shame Movement-ը, որին միացել է նաև Քայլ դեպի Եվրոպա շարժումը, որը համախմբում է հասարակական կազմակերպություններին, լրատվամիջոցներին և հայտնի մարդկանց:
Ըստ կազմակերպիչների՝ հանրահավաքում քաղաքական գործիչները ելույթ չեն ունենա։