Հունվարի 19-ին Վրաց Ուղղափառ եկեղեցին նշում է Աստվածահայտնության տոնը։ Ախալքալաքում վրաց ուղղափառ եկեղեցում տոնի առթիվ առավոտյան պատարագ տեղի ունեցավ։
Այնուհետեւ հավատացյալները եւ հոգեւոր դասը այցելեցին Խոսպիո գյուղի Սուրբ Գիորգի եկեղեցի եւ մասնակցեցին մկրտության արարողությանը, այնուհետեւ ձեռամբ Ջավախքի թեմի ավագ երեց Ալեքսանդր Կասրաշվիլու ջրօրհնեքի կարգ տեղի ոունեցավ՝ սուրբ մյուռոնով օծվեց գետի ջուրը, ինչից հետո հավատացյալները մտան ջուրը, որը ապաշխարելու, մեղքերի թողություն ստանալու խորհուրդն է կրում։
Ավանդույթի համաձայն հավատացյալներն ու հոգևոր դասը սուրբ պատարագից հետո մասնակցում են ջրօրհնեքի արարողությանը:
Աստվածհայտնության և մկրտության տոնը Քրիստոնեական տասներկու տաղավար տոներից մեկն է: Այլ կերպ այս օրը կոչվում է Աստծո հայտնության տոն, քանի որ հայտնվեց Սուրբ Երրորդությունը: Սահմանվեց նաև մկրտություն։
Ամեն տարի այս օրը Հորդանան գետը սկսում է բարձրանալ, երբ Երուսաղեմի պատրիարքը երեք անգամ խաչը գցում է գետը: Ըստ Սուրբ Ավետարանի՝ Հիսուս Քրիստոսի մկրտությունը Սուրբ Հովհաննես Մկրտչի կողմից տեղի է ունեցել Հորդանան գետում։ Այդ ժամանակ Սուրբ Հոգին աղավնու կերպարանքով իջավ նրա վրա և կանգնեց նրա գլխին, և երկնքից ձայն եկավ. «Սա է իմ սիրելի Որդին, որում ես առաքինի եմ»։
Ըստ կրոնական ուսմունքի՝ օրհնված ջրին տրվում է Տիրոջ կողմից օրհնված Հորդանան գետի շնորհը և ձեռք է բերում անապական հատկություններ։ Հավատացյալները կարող են այն ընդունել ծոմ պահելու ժամանակ, հատկապես հիվանդության և փորձությունների ժամանակ:
Հարկ է նշել, որ այսօր Վրաստանում պաշտոնապես ոչ աշխատանքային օր է հայտարարված:
