Ժողովրդական պաշտպան. Մեր ներկայացուցիչները շարունակում են հետևել խորհրդարանի դիմաց բողոքի ակցիայի ընթացքին, ինչպես նաև հանդիպել բերման ենթարկված քաղաքացիներին

Վրաստանի ժողովրդական պաշտպանի ներկայացուցիչները շարունակում են հետևել Վրաստանի խորհրդարանի դիմաց ընթացող բողոքի ակցիայի ընթացքին, ինչպես նաև հանդիպել ժամանակավոր մեկուսացման վայրերում և ոստիկանական բաժանմունքներում ձերբակալված քաղաքացիների հետ,- ասված է Վրաստանի ժողովրդական պաշտպան Լևան Իոսելիանիի հայտարարության մեջ:

«Ժողովրդական պաշտպանի ներկայացուցիչներն իրենց մանդատի շրջանակներում կշարունակեն այցելել կալանավորված անձանց և ծանոթանալ նրանց ֆիզիկական վիճակին։

Վրաստանի ժողովրդական պաշտպանը առաջիկա օրերին հանրությանը կտեղեկացնի մարտի 7-8-ի բողոքի ակցիայի ընթացքում տեղի ունեցած իրադարձությունների գնահատականի մասին»,- ասված է հաղորդագրությունում։

Այս մասին տեղեկանում ենք Վրաստանի առաջին ալիքի կայքից։