«Օտարերկրյա գործակալների մասին» օրենքը հետ կանչելու «Վրացական երազանքի» խոստումից հետո հասարակական կազմակերպությունները հանդես եկան համատեղ հայտարարությամբ և առաջադրեցին երկու պահանջ։
Հայտարարության մեջ նրանք շնորհակալություն են հայտնել բոլոր նրանց, ովքեր «կանգնած են պատմության ճիշտ կողմում և արտահայտում են իրենց կարծիքը իշխանությունների կողմից բռնությունների և ռեպրեսիաների պայմաններում»:
Կազմակերպությունները նշում են, որ օրենքի առաջին ընթերցմամբ ընդունումը, չնայած բոլոր միջազգային գործընկերների մտահոգություններին, կառավարության կողմից «հակարևմտյան արշավների և եվրոպական կառույցների մշտական ապալեգիտիմացման» ուղղակի շարունակությունն է։
Բացի այդ, ընդգծվում է, որ արդեն առաջին ընթերցմամբ ընդունված օրենքի նախագիծը հետ կանչելու ընթացակարգ չկա։ Օրենքը կարող է չեղարկվել միայն առանց երկրորդ ընթերցմամբ կողմ քվեարկելու։
«Համապատասխանաբար, անհրաժեշտ է, որ խորհրդարանը երկրորդ ընթերցմամբ դեմ քվեարկի օրենքին, իսկ նախաձեռնողները պաշտոնապես հետ կանչեն ռուսական օրենքի երկրորդ տարբերակը, որը դեռ չի քվեարկվել։ Սա կլինի պաշտոնական ներողություն վրաց ժողովրդից»,- ասված է հայտարարության մեջ։
Դիմումը ստորագրած կազմակերպությունները պահանջում են.
- Անհապաղ անցկացնել խորհրդարանի լիագումար նիստ, որտեղ քվեարկություն կանցկացվի երկրորդ ընթերցմամբ, և պատգամավորները դեմ կքվեարկեն ռուսական օրենքին.
- Անհապաղ ազատ արձակել բոլոր կալանավորներին, ովքեր փողոցներում պաշտպանել են Վրաստանի եվրոպական ապագան և բողոքել Վրաստանի և ժողովրդի արժանապատվությունը ոտնահարող օրենքի դեմ։