Այսօր՝ մայիսի 8-ին Ախաքլալաքի քաղաքապետարանի բակում հաղթական դափնեպսակով ՏԻՄ ներկայացուցիչները դիմավորեցին վերջերս բռնցքամարտի Եվրոպայի չեմպիոն դարձած Գոռ Այվազյանին։ Ներկա էին քաղաքապետ Մելքոն Մակարյանը, փոխքաղաքապետերը եւ քաղաքապետարանի այլ աշխատակիցներ, Շրջանային ժողովի նախագահ Նաիրի Իրիցյանը, մարզական համալիրի տնօրինությունը եւ այլ աշխատակիցների հետ։
Քաղաքապետ Մելքոն Մակարյանը շնորհավորում է երիտասարդ մարզիկին, մաղթելով բարձունքներ ու միմիայն հաղթանակներ։
Գոռ Այվազյանը Եվրոպայի եռակի չեմպիոն է, շնորհակալություն է հայտնում մարզիչին եւ իր բոլոր աջակիցներին։
Նշենք՝ մայիսի 3-ին, բռնցքամարտիկ Գոռ Այվազյանը Եվրոպայի բռնցքամարտի առաջնությունում մենամարտում էր Ռուսաստանի ներկայացուցչի հետ, որի արդյունքում դարձավ Եվրոպայի չեմպիոն։
Հատկանշական է, որ Գոռ Այվազյանը Վրաստանի բազմակի չեմպիոն է, 2022 թվականի Եվրոպայի չեմպիոն, ինչպես նաև աշխարհի առաջնության և բազմաթիվ միջազգային մրցաշարերի մեդալակիր։ Գոռի անձնական մարզիչն է Գագիկ Էլիզբարյանը։
