Կարծում եմ, որ Երկրորդ համաշխարհային պատերազմից հետո, հավանաբար, մարտահրավերներով լի ժամանակ է, թեև 2008-ին մենք շատ դժվար օրեր ունեցանք,- Բրատիսլավայում Գլոբալ անվտանգության ֆորումի ժամանակ ասել է Վրաստանի վարչապետ Իրակլի Ղարիբաշվիլին։
«Ուզում եմ բոլորին հիշեցնել, որ առաջին պատերազմը եղել է Վրաստանում։ Այսօր ինչ-որ մեկը կարող է մոռացել է, որ Վրաստանի՝ մեր տարածքի 20 տոկոսը օկուպացված է Ռուսաստանի կողմից, իսկ 2008-ին՝ պատերազմից հետո, Ռուսաստանը չլքեց մեր տարածքը, ընդհակառակը, մնաց, մեր հողի վրա երկու ռազմաբազա կառուցեցին, մեր տարածքում, և դա ավերիչ պատերազմի արդյունք է»,- ասել է Ղարիբաշվիլին։
Այն հարցին, թե արդյոք եղել է ակտիվ, չհրահրված ագրեսիա, Ղարիբաշվիլին ասել է.
«Ես չեմ ուզում մանրամասների մասին խոսել, խոսել այս հարցի մասին, քանի որ մենք մեր կարծիքն ունենք։ Եթե մենք ժամանակին կառավարությունում լինեինք, ամեն ինչ կանեինք, որ խուսափեինք այդ պատերազմից։ Վրաստանը փոքր երկիր է, ունի ընդամենը 4 միլիոն բնակիչ։ Այն լավ սարքավորված է և լավ բանակ ունի, բայց դեռ փոքր երկիր է։ Ուստի կարծում եմ, որ խաղաղության պահպանումը պետք է բխի ցանկացած կառավարության շահերից, հատկապես, երբ փոքր երկիրը Եվրամիության կամ ՆԱՏՕ-ի անդամ չէ, երբ չունի անվտանգության երաշխիքներ։ Այդ պատերազմը, չեմ ուզում մանրամասնել, կործանարար էր մեզ համար։ Արդյունքն այն է, որ մեր տարածքի 20 տոկոսը օկուպացված է Ռուսաստանի կողմից»,- ասել է Ղարիբաշվիլին։
Վարչապետի խոսքով՝ պատերազմին այն ժամանակ բավարար ուշադրություն չի դարձվել։
«Ռուսաստանի ագրեսիան բավարար ուշադրության չի արժանացել։ Ոչ ոք Ռուսաստանի դեմ պատժամիջոցներ չի կիրառել. Կարծում եմ՝ այո, կարծում եմ, որ պետք է հաստատվի։ Ի՞նչ տարբերություն մեզ համար, մեր պատերազմը մեր պատերազմն էր, չէ՞։ Այն, ինչ մենք հիմա տեսնում ենք Ուկրաինայում, իհարկե, աղետալի է։ Ամեն օր հազարավոր մարդիկ են մահանում, և մենք որևէ նախանշան չենք տեսնում, որ այս պատերազմը շուտով կավարտվի»,- ասել է Իրակլի Ղարիբաշվիլին։
Այս մասին տեղեկանում ենք Վրաստանի առաջին ալիքի կայքից։