Ախալցխայի կենտրոնական մարզադաշտում կայացավ «Ախալցխայի բաց առաջնություն» աթլետիկայի առաջնությունը։ Ավանդաբար մրցաշարին մասնակցում էին մարզիկներ Վրաստանի տարբեր շրջաններից։
Միմյանց հետ մրցեցին Ախալցխայի, Թբիլիսիի, Քութայիսիի, Բորժոմիի, Խոբիի, Փոթիի, Բաթումիի և Մարտվիլիի թիմերը։ Առաջնությունում հաջող հանդես եկան ախալցխացի մարզիկները և նվաճեցին 9 ոսկե, 4 արծաթե և 3 բրոնզե մեդալ:
1-ին տեղ՝ Հակոբ Շուշանյան, Ասյա Այվազյան, Դավիթ Քոսյան, Ասյա Չարուխչան, Գևորգ Սարգիսյան, Օթարի Գվիրջիշվիլի, Մինդիա Էնդելաձե և Սոֆի Կուրմաշվիլի։
2-րդ տեղը և արծաթե մեդալակիրներ են դարձել Անի Քյուրքչյանը, Նիկոլոզ Կապանաձեն, Ալեքսանդր Քյուրքչյանը և Գևորգ Մեյթանջյանը։
Լևոն Գոմցյանը, Սամվել Քոսյանը և Բարբարե Բարձիմաձեն զբաղեցրին երրորդ տեղը և նվաճեցին բրոնզե մեդալներ։
Մրցանակային տեղեր զբաղեցրած մասնակիցներին շնորհվեցին պատվոգրեր, մեդալներ, դրամական պարգեւներ։ Մրցաշարը կազմակերպել էր «Ախալցխայի քաղաքապետարանի մարզական միությունը»։