Ռուբեն Վարդանյանին 4 ամսով կալանավորելու՝ Բաքվի առաջին ատյանի դատարանի որոշումը մնաց ուժի մեջ


Լեռնային Ղարաբաղի նախկին պետնախարար Ռուբեն Վարդանյանի փաստաբան Աֆեթ Գազիևան հայտնել է, որ Բաքվի վերաքննիչ դատարանը մերժել է Վարդանյանի նկատմամբ ընտրված խափանման միջոցը փոխելու վերաբերյալ բողոքը:

Մերժելով կալանավորումը որպես խափանման միջոցը փոխելու վերաբերյալ բողոքը՝  Բաքվի վերաքննիչ դատարանը հիմնավոր է համարել Վարդանյանի նկատմամբ առաջին ատյանի դատարանի որոշումը:

Հիշեցնենք, որ սեպտեմբերի 28-ին Բաքվի դատարանը Ռուբեն Վարդանյանին 4 ամսով  կալանավորելու որոշում էր ընդունել՝ նրան ներկայացնելով տարբեր շինծու մեղադրանքներ: