ՀՀ ԱԳՆ խոսնակն անդրադարձել է Լեռնային Ղարաբաղի վերաբերյալ ԵԽԽՎ բանաձևին

ՀՀ ԱԳՆ խոսնակ Անի Բադալյանը X-ի (նախկին Twitter) իր միկրոբլոգում անդրադարձել է Եվրոպայի խորհրդի խորհրդարանական վեհաժողովի ընդունած բանաձևին:

«Լեռնային Ղարաբաղի վերաբերյալ ԵԽԽՎ բանաձևն ու հանձնարարականն անդրադառնում են Լեռնային Ղարաբաղից հայերի բռնի տեղահանումից բխող մարդասիրական ծանր հետևանքներին և մարդու իրավունքներին: Դրանք ընդգծում են Ադրբեջանի կողմից իր կանոնադրական և անդամակցության պարտավորությունների լուրջ խախտումներին արձագանքելու մեխանիզմները»,- նշել է դիվանագետը: