Իրանը չի բացառել առաջիկա ժամերին Դիմադրության առաջնորդների կողմից Իսրայելի դեմ կանխարգելիչ միջոցառումների իրականացումը

Դիմադրության առաջնորդները Իսրայելին թույլ չեն տա Գազայում անել այն, ինչ կցանկանա. առաջիկա ժամերին կարելի է պատկերացնել կանխարգելիչ ցանկացած միջոցի իրականացում: Այս մասին հեռուստաելույթում հայտարարել է Իրանի ԱԳ նախարար Հոսեյն Ամիր Աբդոլլահիանը: Նա մասնավորեցրել է` խոսելով դիմադրության մասին` նկատի չունի միայն լիբանանյան «Հըզբոլլահը»:

«Առաջիկա ժամերին կարելի է պատկերացնել ցանկացած կանխարգելիչ միջոցի իրականացում»,- ասել է նախարարը:

Խոսելով Իրանի` հակամարտության մասնակից դառնալու հավանականության մասին` Աբդոլլահիանն ընդգծել է, որ կարելի է պատկերացնել ցանկացած հավանական տարբերակ: