Վրաստանում նոյեմբերի 23-ւց եղանակը վատթարանալու է

Նոյեմբերի 23-ին կեսօրից մինչև ուշ երեկո Արևմտյան Վրաստանում սպասվում է անձրև, բարձր լեռնային շրջաններում հնարավոր է ձյուն, տեղ-տեղ առատ։

Այս մասին տեղեկությունը տարածում է Շրջակա միջավայրի ազգային գործակալությունը։

Սպասվող տեղումները կարող են հանգեցնել Արևմտյան Վրաստանի գետերի ջրի մակարդակի զգալի բարձրացման, իսկ լեռնոտ շրջաններում սողանքների և սելավների առաջացմանն ու ակտիվացմանը:

«Վրաստանի լեռնային և բարձր լեռնային շրջաններում սպասվող ձյան տեղումների, ձնահոսքի և տեսանելիության վատթարացման պատճառով ճանապարհների որոշ հատվածներում երթևեկությունը կարող է սահմանափակվել»,- ասվում է տեղեկատվության մեջ։