Դամասկոսի մերձակայքում Իսրայելի հրթիռային հարվածի հետևանքով զոհվել է Իրանի ԻՀՊԿ-ի կորպուսի խորհրդականը

Իսլամական հեղափոխության պահապանների կորպուսի խորհրդականը զոհվել է Դամասկոսի մերձակայքում Իսրայելի հրթիռային հարվածի հետևանքով՝ հայտնել է իրանական Tasnim պետական գործակալությունը:

«Մի քանի ժամ առաջ Դամասկոսի մերձակայքում Իսրայելի հարձակման ժամանակ զոհվել է Սեյեդ Ռազի Մուսավին, որը հայտնի է որպես Սեյեդ Ռազի, որը Սիրիայում ԻՀՊԿ-ի փորձառու և ամենատարեց խորհրդականներից մեկն էր»,- ասված է հաղորդագրության մեջ:

Պարբերականի տվյալով՝ Սեյիդ Ռազին գեներալ Ղասեմ Սոլեյմանիի զինակիցն էր, որը զոհվել էր 2020 թվականի հունվարին Իրաքում՝ ԱՄՆ-ի հրթիռային հարձակումից հետո։

Իսլամական հեղափոխության պահապանների կորպուսը հայտարարել է, որ Թել Ավիվը պատասխան է տալու խորհրդականի զոհվելու համար: