ԱՄՆ Կոնգրեսը համաձայնության է եկել 2024 թվականի բյուջեի հարցով

ԱՄՆ Կոնգրեսի դեմոկրատական ​​և հանրապետական ​​կուսակցությունների ներկայացուցիչները կիրակի՝ հունվարի 7-ին, համաձայնության են եկել 2024 թվականի կառավարության բյուջեի հարցով։ Համաձայնագիրը բյուջեի համար վերին սահման է նախատեսում 1,6 տրիլիոն դոլարը, ասել են Ներկայացուցիչների պալատի խոսնակ Մայք Ջոնսոնը և Սենատի դեմոկրատների առաջնորդ Չակ Շումերը: Դրանից մոտ 886 մլրդ դոլարը կուղղվի պաշտպանության ծախսերին, ևս 772 մլրդը՝ այլ ծախսերի:

Այսպիսով, ԱՄՆ կառավարությունը կկարողանա «խոշոր կրճատումներից» պաշտպանել «կարևոր ներքին առաջնահերթությունները», ինչպիսիք են վետերաններին կամ առողջապահական ծառայություններին աջակցությունը, ասել է Շումերը: Ըստ մասնագետների` փոխզիջումից դժգոհ կլինի Ներկայացուցիչների պալատի հանրապետականների աջ թևը, որը խնայողության ավելի խիստ միջոցներ է պահանջել:

Պաշտպանական բյուջեի նախագիծը, որը համաձայնեցվել է ամերիկյան օրենսդիր մարմնի երկու պալատի համապատասխան հանձնաժողովների կողմից, ներառում է 300 մլն դոլար՝ Ուկրաինային ռազմական օգնության համար։ Օրենսդիրները մտադիր են անհրաժեշտության դեպքում նույն կարիքների համար 300 մլն հատկացնել նաև 2025 ֆինանսական տարում։ Ընդհանուր առմամբ, Կիևին օգնությունը երկարաձգվել է մինչև 2026 թվականի վերջ։