Պաղեստինը կրկին ՄԱԿ-ի ԱԽ-ին իրեն կազմակերպություն ընդունելու առաջարկ է ուղարկել

Պաղեստինը կրկին ՄԱԿ-ի ԱԽ է ուղարկել իրեն ՄԱԿ-ի կազմում ընդունելու առաջարկը: Նիստը կարող է տեղի ունենալ արդեն հաջորդ շաբաթ: Այդ մասին ՌԻԱ Նովոստիին հայտնել է Ավստրիայում Պաղեստինի դեսպան և Վիեննայում ՄԱԿ-ի մշտական դիտորդ Սալահ Աբդել Շաֆին:

«Առաջարկը կրկին ուղարկվել է ՄԱԿ-ի Անվտանգության խորհուրդ՝ ակնկալելով ստանալ դրական պատասխան»,- ասել է դեսպանը:

Նախորդ անգամ Միացյալ Նահանգները վետո էր կիրառել այն բանաձևի նկատմամբ, որն առաջարկում էր Պաղեստինն ընդունել ՄԱԿ: Մեծ Բրիտանիան և Շվեյցարիան ձեռնպահ էին մնացել, Անվտանգության խորհրդի մնացած անդամները կողմ էին քվեարկել։

Բաժանորդագրվեք մեր տելեգրամյան ալիքին