თვე: იანვარი 2025

საქართველოს საგარეო საქმეთა მინისტრი მაკა ბოჭორიშვილი, საქართველოში იტალიის საგანგებო და სრულუფლებიან ელჩს, მასიმილიანო დ’ანტუონოს შეხვდა. ამის შესახებ ინფორმაციას საქართველოს საგარეო საქმეთა სამინისტრო ავრცელებს. საგარეო უწყების მიერ გავრცელებულ ინფორმაციაში ნათქვამია, რომ მხარეებმა განიხილეს ქვეყნებს შორის ორმხრივი თანამშრომლობის დღის წესრიგი და სამომავლო გეგმები. „საუბარი შეეხო რეგიონსა და მსოფლიოში მიმდინარე პროცესებს და გამოწვევებს. ხაზი გაესვა საერთაშორისო ფორმატებში თანამშრომლობის მნიშვნელობას. შეხვედრაზე…

საქართველოს პრემიერ-მინისტრი ირაკლი კობახიძე 30 იანვარს სომხეთის რესპუბლიკას ეწვევა. ამის შესახებ ინფორმაციას მთავრობის ადმინისტრაცია ავრცელებს. როგორც გავრცელებულ ინფორმაციაშია ნათქვამი, ვიზიტის ფარგლებში საქართველოს მთავრობის მეთაური პირისპირ შეხვდება სომხეთის რესპუბლიკის პრემიერ-მინისტრ ნიკოლ ფაშინიანს. „ორი ქვეყნის პრემიერ-მინისტრების ხელმძღვანელობით საქართველო-სომხეთის ეკონომიკური თანამშრომლობის მთავრობათაშორისი კომისიის სხდომა გაიმართება. კომისიის სხდომის დასრულების შემდეგ ირაკლი კობახიძე და ნიკოლ ფაშინიანი მედიისთვის ერთობლივ განცხადებებს გააკეთებენ. პრემიერ-მინისტრი ერევანში დელეგაციასთან ერთად…

სტრასბურგში, ევროპის საბჭოს საპარლამენტო ასამბლეის ზამთრის სესიის ფარგლებში საქართველოს საპარლამენტო დელეგაციის ხელმძღვანელმა, თეა წულუკიანმა და ევროპის საბჭოში საქართველოს მუდმივმა წარმომადგენელმა, თამარ ტალიაშვილმა ევროპის საბჭოს საპარლამენტო ასამბლეის (PACE) პრეზიდენტთან და ასამბლეის გენერალურ მდივანთან შეხვედრა გამართეს. ამის შესახებ ინფორმაციას პარტია “ქართული ოცნება” ავრცელებს. მათივე ცნობით, საუბარი შეეხო საქართველოს დელეგაციის უფლებამოსილებების აღიარების თემას და ხაზი გაესვა თანამშრომლობის მნიშვნელობას. “საქართველოს დელეგაციამ შეხვედრაზე აღნიშნა, რომ…

საქართველოს პარლამენტის თავმჯდომარე შალვა პაპუაშვილი უნგრეთის პრეზიდენტ ტამაშ შუიოკს შეხვდა. ამის შესახებ ინფორმაციას პარლამენტის პრესსამსახური ავრცელებს. მათივე ცნობით, შეხვედრაზე მხარეები მიესალმნენ პოზიტიურ დინამიკას საქართველო-უნგრეთის ურთიერთობებში. უნგრეთის პრეზიდენტის თქმით, საქართველო უნგრეთისთვის სამხრეთ კავკასიის რეგიონში მნიშვნელოვანი სტრატეგიული პარტნიორია. მან აღნიშნა, რომ ორივე ქვეყანამ რთულ გეოპოლიტიკურ ვითარებაში შეძლო ეროვნული იდენტობის, კულტურისა და ენის შენარჩუნება და ხაზი გაუსვა საქართველოსა და უნგრეთს…

„მაგთის” ინტერნეტი შეფერხებით მუშაობს. სოციალურ ქსელში მომხმარებლები წერენ, რომ ინტერნეტი ან საერთოდ არ მიეწოდებათ, ან დიდი შეფერხებით ახერხებენ დაკავშირებას. როგორც კომპანია „მაგთში” აცხადებენ, ამ ეტაპზე მათთვის ისაა ცნობილი, რომ დაზიანება გლობალურია და აღნიშნული პრობლემის აღმოსაფხვრელად სამუშაოები მიმდინარეობს.

ევროკავშირის უმაღლესი წარმომადგენელი საგარეო საქმეთა და უსაფრთხოების პოლიტიკის საკითხებში კაია კალასი სომხეთში უახლოეს მომავალში ჩამოვა. ამის შესახებ საგარეო საქმეთა მინისტრის მოადგილემ, პარლამენტის ევროპასთან ინტეგრაციის კომიტეტის რიგგარეშე სესიაზე განაცხადა, თუმცა აღნიშნა, რომ თანამშრომლობასთან დაკავშირებული სხვადასხვა საკითხები განიხილება. ,,უახლოეს კვირებში გვექნება ევროკავშირის უმაღლესი წარმომადგენლის კაია კალასის ვიზიტი სომხეთში“, – აცნობა ჰოვჰანნისიანმა და დასძინა, რომ დაგეგმილია სხვა მაღალი…

დავოსში, მსოფლიო ეკონომიკური ფორუმის ფარგლებში, პრემიერ-მინისტრი ნიკოლ ფაშინიანი ნატოს გენერალურ მდივანს მარკ რუტეს შეხვდა. როგორც  სომხეთის რესპუბლიკის პრემიერ-მინისტრის აპარატი აიუწყება, შეხვედრაზე განიხილეს სომხეთ-ნატოს თანამშრომლობის განვითარების შესაძლებლობები და ხაზი გაუსვეს ორმხრივი დღის წესრიგის ეფექტურ განხორციელებას. მხარეებმა აზრები გაცვალეს რეგიონალური და საერთაშორისო მნიშვნელობის საკითხებზე. პრემიერ-მინისტრმა ფაშინიანმა წარმოადგინა აზერბაიჯანთან სამშვიდობო პროცესის პროგრესი და ხაზი გაუსვა სომხეთის მთავრობის ერთგულებას…

10 ადამიანიდან, რომელსაც ხველა, ცემინება, ცხვირიდან გამონადენი და მაღალი ტემპერატურა აქვს, სავარაუდოდ, 6 გრიპით ინფიცირებულია, – ამის შესახებ „იაშვილის სახელობის ბავშვთა ცენტრალური საავადმყოფოს“ სამედიცინო დირექტორმა, ივანე ჩხაიძემ განაცხადა. მისივე თქმით, თუ დეკემბრის ბოლოს ვირუსების საერთო განაწილებიდან გრიპის ხვედრითი წილი 25% იყო, ახლა 60%-ს მიაღწია. „გრიპის ვირუსის ხვედრითი წილი მატულობს. იანვარი გრიპის ვირუსის მატების თვალსაზრისით გამორჩეული იყო….

21 იანვარს, საქართველოში სომხეთის რესპუბლიკის საელჩოს ინიციატივითა და ორგანიზებით, თბილისში, შოთა რუსთაველის სახელობის ეროვნულ თეატრში შარლზ აზნავურის დაბადებიდან 100 წლისთავისადმი მიძღვნილი საიუბილეო კონცერტი გაიმართა. სოლისტმა, ცნობილმა მომღერალმა და კომპოზიტორმა არფი ალტომ (არფინე ტერ-პეტროსიანი) შეასრულა ცნობილი შანსონიეს საყვარელი სიმღერების ახალი ვერსია, ქართველი მუსიკოსების ლუკა თოფურიას, დავით გოგისვანიძისა და გიორგი კაპანაძის თანხლებით. კონცერტის დასაწყისში აჩვენეს ვიდეო რგოლი,…

შემოწმებული 300 000 აბონენტიდან 28 000 შემთხვევაში მომხმარებელთან ბუნებრივი აირის დანადგარი ჩაიხსნა. 28 ათას აბონენტს სახლში ჰქონდა ე.წ. მკვლელი დანადგარი, – ამის შესახებ ენერგოომბუდსმენის მოვალეობის შემსრულებელმა ნინო გულეიშვილმა პრესკონფერენციაზე განაცხადა. ნინო გულეიშვილის თქმით, პოტენციური საშიშროება არსებობდა, რომ ე.წ. მკვლელ აპარატს დიდი ზიანი მიეყენებინა მომხმარებლისთვის. „სოკარ ჯორჯია გაზმა“ გადაამოწმა 300 ათასამდე აბონენტი, ამ 300 ათასი აბონენტიდან 28…

გერმანიაში საქართველოს ყოფილი ელჩი ლევან იზორია, განათლებისა და მეცნიერების საკითხებში პრემიერ-მინისტრის მრჩევლად დაინიშნა. როგორც  მთავრობის ადმინისტრაციაში იუწყებიან, ლევან იზორია პრემიერ-მინისტრის მრჩევლის პოსტს ცოტა ხნის წინ დაინიშნა. ამასთან, მათივე ინფორმაციით, ლევან იზორია ირაკლი კობახიძის მრჩევლად მას შემდეგ დაინიშნა, რაც მას გერმანიაში ელჩობის ვადა ამოეწურა. ცნობისთვის, დღეს პრემიერ-მინისტრმა, ირაკლი კობახიძემ განაცხადა, რომ იქმნება სამთავრობო კომისია, რომელიც იმუშავებს საუნივერსიტეტო რეფორმაზე. ამ კომისიის…

პარლამენტის თავმჯდომარე შალვა პაპუაშვილი საქართველოში სომხეთის რესპუბლიკის საგანგებო და სრულუფლებიან ელჩ აშოტ სმბატიანს შეხვდა. ამის შესახებ ინფორმაციას პარლამენტის პრესსამსახური ავრცელებს. მათივე ცნობით, მხარეებმა ისაუბრეს საქართველოსა და სომხეთს შორის ისტორიულად მტკიცე მეგობრობასა და ნაყოფიერ თანამშრომლობაზე. ყურადღება გამახვილდა საპარლამენტო თანამშრომლობის შემდგომი გაღრმავების მნიშვნელობაზე. „მხარეებმა მიმოიხილეს ორივე ქვეყანაში მიმდინარე პოლიტიკური მოვლენები. საუბარი შეეხო სომხეთის მზარდ ინტერესს, გააძლიეროს კავშირები დასავლეთთან, მათ შორის,…

საქართველო სომხეთსა და აზერბაიჯანს სთავაზობს სამმხრივ თანამშრომლობის ინიციატივას სხვადასხვა სფეროში. ამის შესახებ საქართველოს მთავრობის ვებგვერდი ბაქოში საქართველო-აზერბაიჯანის ეკონომიკური თანამშრომლობის მთავრობათაშორისი კომისიის სხდომაზე კობახიძის განცხადებაზე დაყრდნობით იტყობინება. “ჩვენ გულწრფელად ვართ დაინტერესებული რეგიონში კონკრეტული პრაქტიკული ნაბიჯების გადადგმით და თანამშრომლობის ხელშეწყობით. საქართველო მხარეებს სთავაზობს სამმხრივ თანამშრომლობის ინიციატივას, რომელიც გულისხმობს სამხრეთ კავკასიის სამივე ქვეყნის ჩართულობას სხვადასხვა სფეროში”, – აღნიშნა…

გარემოს ეროვნული სააგენტოს ინფორმაციით, 18-20 იანვარს საქართველოში მოსალოდნელია ნალექი, მთაში კი თოვლი. გარემოს ეროვნული სააგენტოს ცნობით, მოსალოდნელმა ნალექებმა დასავლეთ საქართველოს მდინარეებზე შესაძლებელია წყლის დონეების მნიშვნელოვანი მატება, გორაკ-ბორცვიან ზონებში მეწყრულ-ღვარცოფული პროცესების ჩასახვა-გააქტიურება, ხოლო ქვეყნის მაღალმთიან რაიონებში ზვავების ფორმირება გამოიწვიოს. „18-20 იანვარს, საქართველოში მოსალოდნელია ნალექი, მთაში თოვლი, ზოგან ძლიერი, მაღალმთაში ქარბუქი, დასავლეთის მიმართულების ძლიერი ქარი. 19-20 იანვარს…

სომხეთის რესპუბლიკისა და აზერბაიჯანის რესპუბლიკის საზღვარზე 2025 წ. 16 იანვარს გაიმართა სომხეთის რესპუბლიკასა და აზერბაიჯანის რესპუბლიკას შორის სახელმწიფო საზღვრის დემარკაციისა და საზღვრის უსაფრთხოების კომისიის მეთერთმეტე შეხვედრა და აზერბაიჯანის რესპუბლიკასა და აზერბაიჯანის რესპუბლიკას შორის სახელმწიფო საზღვრის დემარკაციის სახელმწიფო კომისიის მეთერთმეტე შეხვედრა  სომხეთის რესპუბლიკის ვიცე-პრემიერი მჰერ გრიგორიანისა და აზერბაიჯანის რესპუბლიკის ვიცე-პრემიერი შაჰინ მუსტაფაევი თავმჯდომარეობით. ამის შესახებ სომხეთის…

საქართველოსთან ჩვენი ურთიერთობა სტრატეგიული პარტნიორობის ორბიტაზეა, – ამის შესახებ სომხეთის პრემიერ-მინისტრი, ნიკოლ ფაშინიანი „ფეისბუქის“ საკუთარ გვერდზე წერს. აშშ-სა და სომხეთს შორის გუშინ ვაშინგტონში სტრატეგიული პარტნიორობის შესახებ შეთანხმების გაფორმების შემდეგ, სომხეთის პრემიერ-მინისტრი, ნიკოლ ფაშინიანი აცხადებს, რომ „ქვეყნის დაბალანსებული საგარეო პოლიტიკა მთავარ ეტაპს“ აღწევს. „ირანთან ურთიერთობა ბუნებრივ ინტერესებზეა დაფუძნებული, რაც თანამშრომლობის ყველაზე საიმედო საფუძველსა და ურთიერთობების სტაბილურობის გარანტიას წარმოადგენს….

სომხეთი დიდ ნაბიჯებს დგამს პუტინისგან საკუთარი თავის დისტანცირებისთვის, რუსული და ირანული გავლენისგან თავისუფალი სამხრეთ კავკასია როგორც არასდროს მშვიდობიანი და აყვავებული იქნება. ამის შესახებ აშშ-ის ჰელსინკის კომისიის თავმჯდომარე, კონგრესმენი ჯო უილსონი X-ის საკუთარ გვერდზე წერს. “მივესალმები აშშ-სომხეთის სტრატეგიულ პარტნიორობას. სომხეთი დიდ ნაბიჯებს დგამს ომის დამნაშავე პუტინისგან საკუთარი თავის დისტანცირებისთვის. რუსული და ირანული გავლენისგან თავისუფალი სამხრეთ კავკასია როგორც…

საპროტესტო აქცია საქართველოსთვის. საყოველთაო გამაფრთხილებელ აქციას ახალციხელებიც შეუერთდნენ – შოთა რუსთაველის ძეგლთან შეკრებილი მოქალაქეები საპროტესტო აქცია გამართეს. მათ ასევე გააპროტესტეს „ბათუმელებისა“ და „ნეტგაზეთის“ დამფუძნებლის, მზია ამაღლობელის დაკავება და „ქართული ოცნების“ მხარდამჭერების მიერ ჟურნალისტ ზვიად ქორიძეზე თავდასხმა.

რელიგიის საკითხთა სახელმწიფო სააგენტო სომეხთა სამოციქულო მართლმადიდებელი ეკლესიის მრევლს იოანე წინამორბედის შობას ულოცავს. ამის შესახებ ინფორმაციას რელიგიის საკითხთა სახელმწიფო სააგენტო ავრცელებს. „დღეს სომხური მართლმადიდებელი ეკლესია იოანე წინამორბედის შობას დღესასწაულობს. სახარება იოანე ნათლისმცემელს იესო ქრისტეს უახლოეს წინამორბედად მიიჩნევს, რომელმაც მესიის მოსვლა იწინასწარმეტყველა და მაცხოვარი მდინარე იორდანეში მონათლა. იოანე უდაბნოში ცხოვრობდა, ადამიანთა ბიწიერებას ამხელდა და მათ სინანულისკენ მოუწოდებდა….

ერევანი და ვაშინგტონი დღეს ხელს მოაწერენ დოკუმენტს სომხეთის რესპუბლიკასა და ამერიკის შეერთებულ შტატებს შორის სტრატეგიული პარტნიორობის შესახებ, – ინფორმაციას სომხური მედია ქვეყნის საგარეო საქმეთა სამინისტროზე დაყრდნობით ავრცელებს. მათივე ინფორმაციით, დოკუმენტს ხელს სომხეთის საგარეო საქმეთა მინისტრი არარატ მირზოიანი და აშშ-ის სახელმწიფო მდივანი ენტონი ბლინკენი მოაწერენ. ხელმოწერის ცერემონია სომხეთის დროით 22:00 საათზე გაიმართება.

ევროპის საბჭოს საპარლამენტო ასამბლეის მონიტორინგის თანამომხსენებლები საქართველოს საკითხებში კლოდ კერნი და ედიტე ესტრელა, 14-16 იანვარს საქართველოს ფაქტების დამდგენი მისიით ეწვევიან, – ინფორმაციას ევროპის საბჭოს საპარლამენტო ასამბლეა ავრცელებს. „ვიზიტის მიზანია შეაფასოს, საქართველოს, როგორც ევროპის საბჭოს წევრი სახელმწიფოს, შესაბამისობა მის ვალდებულებებსა და მოვალეობებთან, განსაკუთრებით ოქტომბრის არჩევნების შემდეგ მიმდინარე პოლიტიკური კრიზისისა და ევროკავშირში გაწევრიანების მოლაპარაკებების შეჩერების ფონზე“, – აღნიშნულია ინფორმაციაში….

ახალციხეში რუსთაველის 124-ში კინოკლუბის შენობის დანგრევა და მის ადგილას ახლის აშენება იგეგმება – ტენდერი ორ ეტაპად უკვე გამოცხადდა. სატენდერო დოკუმენტაციის მიხედვით კინოთეატრის მშენებლობა 1 წელზე მეტხანს გაგრძელდება. კერძოდ, პირველ ეტაპზე ყოფილი საბჭოთა მესაზღვრეებისთვის აშენებული კინოთეატრის დემონტაჟი 65 ათას ლარად იგეგმება, ვინაიდან მერია აცხადებს, რომ შენობა ავარიულია. მეორე სახელმწიფო შესყიდვა კინოკლუბისა და მედიათეკის მშენებლობას ეხება, რისთვისაც…

სომხეთის მთავრობამ „სომხეთის რესპუბლიკის ევროკავშირში გაწევრიანების პროცესის დაწყების შესახებ“ კანონპროექტი დაამტკიცა, – ინფორმაციას ადგილობრივი მედია ავრცელებს. მათივე ინფორმაციით, საკითხი დღეს გამართულ სხდომაზე საგარეო საქმეთა მინისტრმა, არარატ მირზოიანმა წარადგინა. „ბოლო წლებში სომხეთსა და ევროკავშირს საკმაოდ ინტენსიური და დინამიური ურთიერთობები აქვთ. ევროკავშირმა არაერთხელ გამოხატა ძლიერი პოლიტიკური მხარდაჭერა სომხეთში დემოკრატიისადმი. ვგულისხმობ ევროკავშირის სამოქალაქო სადამკვირვებლო მისიის განლაგებას. ევროკავშირმა ასევე გამოხატა მზადყოფნა,…

ევრაზიის ეკონომიკური თანამეგობრობის წევრობას რეალური სარგებელი მოაქვს სომხეთისთვის, მაგრამ შეუძლებელია იყო ამ ასოციაციის და ევროკავშირის წევრი ერთდროულად, – ამის შესახებ განაცხადა რუსეთის პრეზიდენტის პრესსპიკერმა, დიმიტრი პესკოვმა განაცხადა. „სომხეთი არის ევრაზიის ეკონომიკური თანამეგობრობის წევრი და ეს წევრობა ძალიან, ძალიან დადებით დივიდენდებს იძლევა სომხეთისთვის, როგორც სახელმწიფოსთვის, ასევე ამ ქვეყნის ხალხისთვის“, – განაცხადა პესკოვმა. მისი თქმით, ახლა ძნელი სათქმელია, რას…

ახალციხის მერია რაბათში საცხოვრებელი კორპუსების რეაბილიტაციისთვის 100 ათას ლარზე მეტის დახარჯვას გეგმავს – ამის შესახებ ინფორმაცია სახელმწიფო შესყიდვების სააგენტოს ვებგვერდზეა გამოქვეყნებული. სატენდერო დოკუმენტაციის მიხედვით, შენობების რეაბილიტაცია არასოდეს მომხდარა, რის გამოც დაზიანებულია ფასადი, სადარბაზოები, კიბეები და ეზო – მათი შეკეთება იგეგმება. შეთავაზებები მიიღება ორი დღის განმავლობაში. ცნობისთვის, რაბათს აქვს კულტურული მემკვიდრეობის ძეგლის სტატუსი. ადგილობრივები ამბობენ, რომ…