ბორჯომში, კოსტავას ქუჩაზე, სარეაბილიტაციო სამუშაოები ინტენსიურ რეჟიმში მიმდინარეობს. აღნიშნულთან დაკავშირებით ინფორმაციას ბორჯომის მუნიციპალიტეტი ავრცელებს.
მათი ცნობით, პროექტის მიხედვით, 4900 კვადრატულ მეტრზე ასფალტის საფარი დაიგება, 260 კვადრატულ მეტრზე მოეწყობა გრანიტის ძელურები, ხოლო 344 გრძივ მეტრზე მოეწყობა გრანიტის ქვაფენილიანი ტროტუარი. პროექტის ფარგლებში ასევე, მოეწყო მიწისქვეშა სანიაღვრე არხი 329 გრძივ მეტრზე.
ამ დროისათვის გზის საფარის მოწყობის სამუშაოები მიმდინარეობს.
კოსტავას ქუჩის სარეაბილიტაციო სამუშაოები ბორჯომის მუნიციპალიტეტის ბიუჯეტიდან და რეგიონებში განსახორციელებელი პროექტების ფონდიდან ფინანსდება.
სამუშაოებს შპს ,,ბილტმორი” ასრულებს.