დღეს საქართველო ბავშვთა დაცვის საერთაშორისო დღეს აღნიშნავს. თარიღი დაარსდა 1949 წელს, ხოლო მისი აღნიშვნა 1950 წელს დაიწყო. თარიღთან დაკავშირებით, ახალციხის ცენტრალურ პარკში, მათ შორის სამცხე-ჯავახეთის სხვა მუნიციპალიტეტებში იმართება გასართობი და სახალისო ღონისძიებები.
თუმცა არ შეიძლება გამოტოვოთ გაეროს ბავშვთა ფონდისა და საქსონიის შტატის ერთობლივი კვლევა, რომელშიც ნათქვამია, რომ საქართველოში ბავშვების 35% არასდროს ჭამს სკოლაში. კვლევის მიხედვით, ამ პრობლემას უმეტესად მატერიალური და სოციალური დეფიციტის მქონე ბავშვები აწყდებიან, რადგან კვლევამ აჩვენა, რომ ამ ტიპის ოჯახის ბავშვების 50% არასდროს ჭამს სკოლის პერიოდში.
ამავე ანგარიშის მიხედვით, პრობლემის აღმოსაფხვრელად გამოკითხულთა 75% თანახმაა გადაიხადოს სასკოლო კვება, ასეთის არსებობის შემთხვევაში. გამოკითხულთა 10,3% ვერ ახერხებს, ხოლო 12,5% მიიჩნევს, რომ სკოლაში კვება უფასო უნდა იყოს.
კვლევა საქართველოს ეროვნულმა სტატისტიკურმა სამსახურმა გაეროს ბავშვთა ფონდის მხარდაჭერით 2022 წლის ივლისიდან სექტემბრამდე ჩაატარა. სულ გამოიკითხა 1279 რესპონდენტი და მოიპოვა ინფორმაცია 2438 ბავშვის შესახებ.