5 ივნისს, პოლონეთის რესპუბლიკის ელჩი საქართველოში მარიუშ მაშკევიჩი ახალქალაქში იმყოფებოდა. საქართველოს სტრატეგიული ანალიზის ცენტრი (GSAC) საქართველოში პოლონეთის რესპუბლიკის საელჩოს მხარდაჭერით აგრძელებს პროგრამას „ეთნიკური უმცირესობების დაცვა დეზინფორმაციისა და ჰიბრიდული საფრთხეების საპასუხოდ“.
პროგრამა განკუთვნილია ადგილობრივი სამოქალაქო საზოგადოების წარმომადგენლებისთვის, მასწავლებლებისთვის და ახალქალაქში მცხოვრები ახალგაზრდებისთვის.
პროექტი მიზნად ისახავს ეთნიკური უმცირესობების, მათ შორის სამოქალაქო საზოგადოების წევრებისა და ახალგაზრდების ცნობიერების ამაღლებას, რათა მათ მიაწოდონ საჭირო უნარები, ამოიცნონ ჰიბრიდული საფრთხეების კომპონენტები, როგორიცაა დეზინფორმაცია, პროპაგანდა, ყალბი ამბები. პროექტის ფარგლებში ახალქალაქში ოთხდღიანი კურსი ტარდება, რომელიც პოლონეთის რესპუბლიკის სრულუფლებიანმა ელჩმა მარიუშ მაშკევიჩმა 5 ივნისს გახსნა.
