2022

Թուրքական Bayraktar անօդաչու թռչող սարքն իրականացրել է «օդ-երկիր» դասի առաջին ազգային գերձայնային հրթիռի հաջող արձակումը՝ հայտնել է ընկերության ղեկավար Սելջուկ Բայրաքթարը։ Նրա խոսքով՝ հրթիռը, որն արտադրում է Roketsan ընկերությունը, հաջողությամբ խոցել է թիրախը 100 կմ հեռավորության վրա: Ստամբուլի արվարձանում Baykar ընկերության օդանավակայանից թռչող ԱԹՍ-ից հրթիռի արձակումն իրականացվել է 7,62 կմ բարձրությունից՝ Սևծովյան Սինոպ քաղաքի շրջանում:…

Վրաստանը, Ադրբեջանը, Ռումինիան և Հունգարիան ստորագրել են Սև ծովով էլեկտրաէներգիա փոխանցող ստորջրյա մալուխի նախագիծը։ Ստորագրման արարողությունը տեղի է ունեցել Ռումինիայում՝ Կոտրոչենի պալատում։ Փաստաթուղթը ստորագրել են Վրաստանի վարչապետ Իրակլի Ղարիբաշվիլին, Ադրբեջանի Հանրապետության նախագահ Իլհամ Ալիևը, Ռումինիայի վարչապետ Նիկոլաե Չուկան և Հունգարիայի վարչապետ Վիկտոր Օրբանը։ Արարողությանը ներկա է եղել Եվրահանձնաժողովի նախագահ Ուրսուլա ֆոն դեր Լեյենը։ Փաստաթուղթը հիմնված…

Նոր տարվա և Սուրբծննդյան տոներին ընդառաջ, հրդեհներից, պայթյուններից և դրանց հետևանքով մարդկանց կյանքն ու առողջությունը պաշտպանելու նպատակով, Արցախի Հանրապետության ՆԳՆ ԱԻ պետական ծառայությունը հորդորում է տնտեսվարող սուբյեկտներին և ծնողներին զերծ պահել երեխաներին զանազան պայթուցիկ սարքերի օգտագործումից և դրանց վաճառքից, ինչի հետևանքով ամեն տարի արձանագրվում են դժբախտ ելքով դեպքեր ու արտակարգ այլ պատահարներ: «Աղետալի հետևանքներից խուսափելու…

ԱՄՆ Կոնգրեսի Ներկայացուցիչների պալատի անդամ Թոմ Մաքքլինթոկը Twitter-ի իր միկրոբլոգում անդրադարձել է Ադրբեջանի կողմից Լաչինի միջանցքի փակմանը: «Ադրբեջանի կողմից Արցախը (Լեռնային Ղարաբաղը) Հայաստանին կապող միակ ճանապարհի շրջափակումն աններելի հումանիտար ճգնաժամ է առաջացրել։ Ես խստորեն դատապարտում եմ անարդար ագրեսիայի այս գործողությունը: Միացյալ Նահանգները պետք է Ադրբեջանին պատասխանատվության ենթարկի»,- գրել է կոնգրեսականը։

Ադրբեջանի ՊՆ տարածած հաղորդագրությունը, թե, իբր, ՊԲ ստորաբաժանումները դեկտեմբերի 17-ին՝ ժամը 09:05-ի սահմաններում, կրակ են բացել ադրբեջանական դիրքերի ուղղությամբ, ապատեղեկատվություն է՝ հայտնում են Արցախի պաշտպանության բանակի մամուլի ծառայությունից:

Մոսկվայի «Վնուկովո», «Դոմոդեդովո» և «Շերեմետևո» օդանանավակայաններում 20 չվերթ է հետաձգվել, 17-ը՝ չեղարկվել՝ փոխանցում են ռուսական լրատվամիջոցները: Նշվում է, որ ըստ եղանակային կանխատեսումների՝ Ռուսաստանի մայրաքաղաքում սպասվում են քամի, ձնաբուք և փոթորիկ, իսկ վաղը՝ դեկտեմբերի 18-ին, ավելի բարդ իրավիճակ է լինելու, քանի որ ձյան տեղումները կուժեղանան:

ԱՄՆ Կոնգրեսի Ներկայացուցիչների պալատի անդամ Ադամ Շիֆի գլխավորությամբ երեք տասնյակ կոնգրեսականներ նամակով դիմել են նախագահ Ջո Բայդենին՝ կոչ անելով վճռական գործողություններ ձեռնարկել՝ ապահովելու արցախահայության անվտանգությունը՝ ի պատասխան Ադրբեջանի կողմից Արցախի շրջափակման՝ տեղեկացնում են ԱՄՆ Հայ դատի հանձախմբից։ Կոնգրեսականները Սպիտակ տան ղեկավարին հորդորել են դադարեցնել ԱՄՆ կողմից Ադրբեջանին տրամադրվող ռազմական օգնությունը և վերսկսել արցախահայությանը ցուցաբերվող մարդասիրական…

Եվրամիության և Հարավային Կովկասի տարածաշրջանի միջև տարանցման և առևտրի հնարավորությունը կմեծանա էլեկտրահաղորդման ստորջրյա մալուխի նախագծով,- հայտարարել է Վրաստանի վարչապետ Իրակլի Ղարիբաշվիլին Ռումինիայում, որտեղ մասնակցում է «Ռազմավարական գործընկերություն» լիագումար նիստին. կանաչ էներգիայի զարգացման և բաշխման հարցերում»։ Վարչապետը նշել է, որ ներկայիս աշխարհաքաղաքական մարտահրավերները և Ուկրաինայում շարունակվող պատերազմը ընդգծում են դիվերսիֆիկացման և ճկունության անհրաժեշտությունը էներգետիկ անվտանգության ոլորտում…

Լոս Անջելեսի Քաղաքային խորհրդի նախագահ Փոլ Կրեկորյանը Twitter-ի իր միկրոբլոգում անդրադարձել է Ադրբեջանի կողմից Լաչինի միջանցքի փակմանը: «Երեքշաբթի Ադրբեջանի բռնապետը փակել է ժողովրդավարական Արցախի Հանրապետությունը Հայաստանի և արտաքին աշխարհի հետ կապող միակ ճանապարհը։ Վառելիքը, պարենամթերքը և դեղորայքը սպառվում են։ Մարդասիրական աղետն անխուսափելի է, եթե աշխարհը քայլեր չձեռնարկի»,- գրել է պաշտոնյան։

Մարդկանց, տրանսպորտային միջոցների և ապրանքների ազատ տեղաշարժը Լաչինի միջանցքով պետք է հնարավորինս շուտ վերականգնվի, հակառակ դեպքում մեծանում է Լեռնային Ղարաբաղի քաղաքացիական բնակչության համար լուրջ մարդասիրական հետևանքների վտանգը՝ Twitter-ի իր միկրոբլոգում գրել է Գերմանիայի Դաշնային կառավարության Մարդու իրավունքների և մարդասիրական օգնության հարցերով հանձնակատար Լուիզա Ամտսբերգը: «Ադրբեջանի և Հայաստանի միջև երկխոսությունն ու խաղաղ բանակցությունները պետք է շտապ…

Ադրբեջանի կողմից Արցախը Հայաստանին կապող միակ ճանապարհի անարդար և անբարոյական շրջափակումը պետք է դադարեցվի։ Այս մասին Twitter-ի իր միկրոբլոգում գրել է ԱՄՆ կոնգրեսական Ջիմ Լանգեվինը: «Արցախում 120 000 անմեղ խաղաղ բնակիչներ այժմ թակարդում են՝ առանց գազի, պարենի և դեղորայքի հասանելիության։ Հայաստանի դեմ Բաքվի ագրեսիան պետք է դադարեցվի»,- նշել է կոնգրեսականը։

Լաչինի միջանցքի փակումը պոտենցիալ ծանր հումանիտար հետևանքներ ունի և հետ է մղում խաղաղության գործընթացը: Այս մասին ճեպազրույցի ժամանակ հայտարարել է ԱՄՆ պետքարտուղարության մամուլի քարտուղարի առաջին տեղակալ Վեդանտ Պատելը: «Մենք ուրախ ենք, որ Լեռնային Ղարաբաղ բնական գազի մատակարարումը վերականգնվել է: Էներգետիկ ենթակառուցվածքների խափանումները կարող են հումանիտար ճգնաժամ առաջացնել: Եվ մենք կոչ ենք անում հնարավորինս շուտ վերականգնել…

Արդեն վեցերորդ օրն է՝ Արցախը Հայաստանին կապող միակ ճանապարհը Ադրբեջանը շարունակում է փակ պահել: Հաշվի առնելով Ադրբեջանի կողմից Արցախի Հանրապետության շրջափակման հետևանքով ստեղծված իրավիճակը՝ Արցախի ներքին գործերի նախարարությունը, հասարակական կարգի և ներքին անվտանգության պատշաճ ապահովման նպատակով, մայրաքաղաքում և շրջաններում ծառայություն է իրականացնում ուժեղացված ռեժիմով։ Հետադարձ կապ` 102, 911։

Ֆրանսիայի նախաձեռնությամբ` ՄԱԿ-ի Անվտանգության խորհրդի անդամները փակ ձևաչափով կքննարկեն Լեռնային Ղարաբաղում տիրող իրավիճակը: Այս մասին հայտնում է ՄԱԿ ԱԽ աշխատանքի ուսումնասիրման հարցերով վերլուծական կենտրոնը:

Լիտվայի ԱԳՆ-ը մտահոգություն է հայտնել Լաչինի միջանցքի շրջափակման կապակցությամբ: «Խորապես անհանգստացած ենք Լաչինի միջանցքի շարունակվող շրջափակմամբ, որը Լեռնային Ղարաբաղում հանգեցնում է հումանիտար ծանր հետևանքների։ Նման զարգացումները ոչ միայն խոչընդոտում են ազատ տեղաշարժը, այլև խաթարում են խաղաղության ամբողջ գործընթացը Հարավային Կովկասում»,- նշված է մերձբալթյան երկրի արտաքին քաղաքական գերատեսչության թվիթերյան միկրոբլոգում։

Արցախի Հանրապետության պետնախարարի խորհրդական Արտակ Բեգլարյանը տեղեկացրել է՝ այսօր տեղի է ունեցել բողոքի հերթական ակցիան ՄԱԿ-ի հայաստանյան գրասենյակի առջև: Ցուցարարների հետևողական պահանջների արդյունքում Հայաստանում ՄԱԿ-ի մշտական համակարգողի պաշտոնակատար Քրիսթինե Վայգանդն իջել է բակ և հանդիպել Բեգլարյանի և Արցախի ՄԻՊ Գեղամ Ստեփանյանի հետ:     «Մենք ներկայացրեցինք Արցախի առկա վիճակը և մեր պահանջներն ու ակնկալիքները ՄԱԿ-ից: Նա…

ՀՀ վարչապետն ընդունել է Մեծ Բրիտանիայի գաղտնի հետախուզական ծառայության ղեկավարին   20:25, 16 Դեկտեմբեր 2022 ԵՐԵՎԱՆ, 16 ԴԵԿՏԵՄԲԵՐԻ, ԱՐՄԵՆՊՐԵՍ: Վարչապետ Նիկոլ Փաշինյանն ընդունել է Մեծ Բրիտանիայի գաղտնի հետախուզական ծառայության ղեկավար Ռիչարդ Մուրին: Այս մասին «Արմենպրես»-ին տեղեկացրին ՀՀ վարչապետի աշխատակազմից: Զրուցակիցները քննարկել են  Հարավային Կովկասի տարածաշրջանում տեղի ունեցող գործընթացներին վերաբերող հարցեր: Անդրադարձ է կատարվել նաև տարածաշրջանային և…

ԱՄՆ Կոնգրեսի Ներկայացուցիչների պալատը հինգշաբթի հավանություն է տվել Պուերտո Ռիկոյի կարգավիճակի մասին օրինագծին, որը թույլ է տալիս 2023 թվականին հանրաքվե անցկացնել այդ տարածքի ապագայի վերաբերյալ: Փաստաթուղթը նախատեսում է ԱՄՆ-ի հետ կապված կղզի պետության բնակիչներին ներկայացնել երեք հարց՝ անկախության տրամադրում, ԱՄՆ-ին միանալ որպես լիարժեք նահանգ և Միացյալ Նահանգների հետ ազատ ասոցացման մասին համաձայնագրի կնքում, ինչպիսին արդեն…

Արցախի Հանրապետության նախագահ Արայիկ Հարությունյանը դեկտեմբերի 16-ին ընդլայնված աշխատանքային խորհրդակցություն է հրավիրել՝ Արցախի Հանրապետության Ազգային ժողովում ներկայացված կուսակցությունների ներկայացուցիչների մասնակցությամբ։ Քննարկվել են Արցախի Հանրապետության շուրջ ռազմաքաղաքական իրադրությունը և շրջափակման հետևանքով երկրում ստեղծված իրավիճակը, դրա հաղթահարմանն ուղղված քայլերը։ Խորհրդակցությանը մասնակցել են Արցախի ԱԽ քարտուղար Վիտալի Բալասանյանը և պետական նախարար, պպերատիվ շտաբի պետ Ռուբեն Վարդանյանը:

ԱՄՆ Միջազգային զարգացման գործակալության ղեկավար Սամանթա Փաուերը տեսաուղերձ է հրապարակել «Ընդդեմ ցեղասպանության հանցագործության» 4-րդ գլոբալ ֆորումի համար։ «Իմ կարիերայի ընթացքում ես բախտ եմ ունեցել հանդիպելու Հայոց ցեղասպանությունը վերապրածների, ինչպես նաև հայերի և սփյուռքի նոր սերունդների ներկայացուցիչների հետ, ովքեր անխոնջ աշխատել են արդարության և ցեղասպանության ճանաչման համար»,- ասել է Սամանթա Փաուերը: Փաուերը նշել է, որ ԱՄՆ-ն…

Արցախի մարդու իրավունքների պաշտպանի աշխատակազմի ներկայացուցիչներն այցելել են «Ստեփանակերտի տուն-ինտերնատ» ՊՈԱԿ և արձանագրել հումանիտար ճգնաժամի պայմաններում հաստատությունում պահվող անձանց խնդիրները, որոնք առաջացել են Ադրբեջանի կողմից օրեր շարունակ Արցախը շրջափակման մեջ պահելու և գազի մատակարարման դիտավորյալ դադարեցման հետևանքով: Մանրամասները՝ տեսանյութում:  

Աշխարհի ամենամեծ ակվարիումը, որը գտնվում էր Բեռլինում, ուրբաթ առավոտյան փլուզվել է, հայտնում է Associated Press-ը՝ վկայակոչելով գերմանական ոստիկանությանը։ 25 մ բարձրությամբ գլանաձև ակվարիումում, որը գտնվում էր Բեռլինի հյուրանոցներից մեկի կենտրոնական սրահում, կային 1500 տարբեր, այդ թվում՝ արևադարձային ձկների հազվագյուտ տեսակներ։ Բոլոր ձկները սատկել են։ Միջադեպի պատճառը դեռ պարզված չէ։ Վարկածներից մեկի համաձայն՝ օդի ջերմաստիճանի անկման…

Ժամը 16։30-ի դրությամբ Արցախը Հայաստանին կապող Ստեփանակերտ-Գորիս ճանապարհն Ադրբեջանի կողմից շարունակում է արգելափակված մնալ: Այս մասին հայտնում են Արցախի տեղեկատվական շտաբից: Ինչպես հայտնում է Factor.am կայքը, Հայաստանում առաքելություն իրականացնող ԵՄ քաղաքացիական դիտորդները Գորիս-Ստեփանակերտ փակ ճանապարհահատվածում դիտարկում են իրականացնում:

Թվիթերն արգելափակել է ամերիկյան առաջատար լրատվամիջոցների, այդ թվում՝ The New York Times-ի, Washington Post-ի, CNN-ի և Voice of America-ի մի շարք լրագրողների օգտահաշիվները: Արգելափակումը կտևի յոթ օր և պայմանավորված է նրանով, որ լրագրողները տվյալներ են հրապարակել Իլոն Մասկի գտնվելու վայրի մասին: «Դոքսինգի կանոնները կիրառվում են բոլորի, այդ թվում՝ լրագրողների նկատմամբ: Ամբողջ օրն ինձ քննադատելը միանգամայն…

Վրաստանի վարչապետ Իրակլի Ղարիբաշվիլին աշխատանքային այցով մեկնել է Ռումինիայի մայրաքաղաք Բուխարեստ։ Այցի շրջանակներում վարչապետ Իրակլի Ղարիբաշվիլին համաձայնագիր կստորագրի «Ադրբեջանի Հանրապետության, Վրաստանի, Ռումինիայի և Հունգարիայի կառավարությունների միջև կանաչ էներգիայի զարգացման և փոխանցման ոլորտում ռազմավարական գործընկերության մասին»։ Ստորագրման արարողությանը ներկա կլինեն նաև Եվրահանձնաժողովի նախագահ Ուրսուլա ֆոն դեր Լեյենը և Ռումինիայի նախագահ Կլաուս Վերներ Յոհանիսը։ Վրաստանի վարչապետը կմասնակցի…

ՀՀ Ազգային ժողովի «Քաղաքացիական պայմանագիր» խմբակցության ղեկավար Հայկ Կոնջորյանը տեղեկացրել է՝ այսօր Ազգային ժողովում ընդունել է Արցախի արտաքին գործերի նախարարի պաշտոնակատար Դավիթ Բաբայանի գլխավորած պատվիրակությանը:   Հանդիպմանը մասնակցել են նաև «Քաղաքացիական պայմանագիր» խմբակցության քարտուղար Արթուր Հովհաննիսյանը և ԱԺ պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանը:     «Քննարկել ենք Լաչինի միջանցքում ստեղծված իրավիճակը…

Արցախում առկա իրավիճակով պայմանավորված՝ ՀՀ կրթության, գիտության, մշակույթի և սպորտի նախարարությունը մշտական կապի մեջ է Արցախի ԿԳՄՍ նախարարության հետ: ՀՀ ԿԳՄՍ նախարար Ժաննա Անդրեասյանը Արցախի ԿԳՄՍ նախարարի պաշտոնակատար Հասմիկ Մինասյանի հետ քննարկել է Արցախի երեխաների կրթության ապահովման խնդիրը: Ներկայում Արցախի շուրջ 22000 երեխաներ զրկված են իրենց կրթության իրավունքի իրացումից՝ ջեռուցման բացակայության պատճառով։ Արցախցի շուրջ 300…

Հրդեհ է բռնկվել Ֆրանսիայի Լիոն քաղաքի շենքերից մեկում, ինչի հետևանքով 10 մարդ է զոհվել, այդ թվում՝ 3-15 տարեկան հինգ երեխա, 14 մարդ վիրավորվել է, 4-ի վիճակը ծանր է։ AFP-ն հաղորդում է, որ հրդեհը բռնկվել է յոթհարկանի շենքում հինգշաբթի լույս ուրբաթ գիշերը ժամը 3-ի սահմաններում: Մարման աշխատանքներին ներգրավվել էին մոտ 170 հրշեջ։ Ըստ տեղեկության՝ հրդեհը սկսվել…

Արցախի նախագահ Արայիկ Հարությունյանը դեկտեմբերի 13-ին ստորագրել է հրամանագիր Ժիրայր Միրզոյանին Արցախի Հանրապետության արդարադատության նախարարի պաշտոնակատարի պաշտոնից  ազատելու մասին: Արցախի Հանրապետության արդարադատության նախարարի պարտականությունները ժամանակավոր վերապահվել են նախարարի առաջին տեղակալ Կամո Վիլենի Քոչարյանին:

Ուրբաթ առավոտյան ամբողջ Ուկրաինայում օդային տագնապ է հայտարարվել: Իշխանությունները հայտնել են պայթյունների մասին Կիևի և Խարկովի մարզերում։ Օդային հարձակումներից էլեկտրաէներգիայի ընդհատումներ են սկսվել Կիևում, հաղորդում է ուկրաինական Strana.ua-ն։ Ամբողջությամբ հոսանքազրկվել են Խարկովն ու Պոլտավան, մասամբ հոսանքազրկվել է երկաթուղին Խարկովի, Կիրովոգրադի և Դնեպրոպետրովսկի մարզերում: