Թել Ավիվում ավտոմեքենան մխրճվել է ամբոխի մեջ. մեքենայի վարորդը չեզոքացված է: Այս մասին հայտնում է Իսրայելի ոստիկանությունը: Իսրայելի ԱԳՆ-ն տեղի ունեցածն ահաբեկչություն է անվանել: Արտաքին գերատեսչությունից հայտնում են, որ պատահարի հետևանքով 7 վիրավոր կա: Հաղորդվում է, որ Թել Ավիվում նաև կրակոցներ են հնչել: Մեկ մարդ մահացել է, մի քանիսը` ծանր վիրավորում են ստացել։
Ֆրանսիայի նախագահն ապրիլի 5-7-ը պետական այցով գտնվում է Պեկինում։ Ապրիլի 6-ին կայացել է Չինաստանի նախագահ Սի Ծինփինի և Էմանուել Մակրոնի բանակցությունների պաշտոնական մասը, որի ընթացքում քննարկվել են Պեկինի և Փարիզի երկկողմ համագործակցությունը, Չինաստանի և ԵՄ-ի հարաբերությունները, ինչպես նաև ուկրաինական ճգնաժամը։ Չինաստանը և Ֆրանսիան աջակցում են Ուկրաինայում խաղաղության վերականգնման բոլոր ջանքերին՝ միջազգային իրավունքի և ՄԱԿ-ի կանոնադրության…
Սաուդյան Արաբիան որոշել է վերջ տալ Եմենում պատերազմին, և սաուդյան պատվիրակությունը հաջորդ շաբաթ կմեկնի Սանաա՝ Եմենի հետ համաձայնություն կնքելու համար, հաղորդել է Reuters-ը: Ըստ լիբանանյան Al Mayadeen գործակալության՝ Սաուդյան Արաբիան Եմենի Նախագահական խորհրդին տեղեկացրել է պատերազմը դադարեցնելու և Եմենի հարցը վերջնականապես փակելու իր որոշման մասին։ Գործակալությունը, վկայակոչելով իրազեկ աղբյուրներին, նշում է, որ Սաուդյան Արաբիան Եմենի…
Կիպրոսի Խորհրդարանն ընդունել է Ադրբեջանին դատապարտող բանաձև: Այդ մասին հայտնում է Հունաստանում ՀՀ դեսպանատունը: Բանաձևը հիշեցրել է Կիպրոսի Հանրապետության Ներկայացուցիչների պալատի 2020 թվականի հոկտեմբերի 9-ի և 2021 թվականի դեկտեմբերի 3-ի Լեռնային Ղարաբաղի (Արցախի) տարածքում Հայաստանի դեմ Ադրբեջանի հարձակման վերաբերյալ բանաձևերը, ինչպես նաև՝ Եվրոպական խորհրդարանի 2023 թվականի հունվարի 19-ի բանաձևը: Այնուհետև բանաձում նշվում է՝ հաշվի…
Թուրքիայի նախագահ Ռեջեփ Թայիփ Էրդողանը հանդիպել է Ռուսաստանի արտգործնախարար Սերգեյ Լավրովի հետ։ Անկարայի նախագահական նստավայրում հանդիպումն անցկացվել է մամուլի համար փակ ձևաչափով, հաղորդում է «Ինտերֆաքսի» թղթակիցը։ Լավրովը Թուրքիա է այցելել արտգործնախարար Մևլութ Չավուշօղլուի հրավերով:
Մայրության և գեղեցկության տոնն արցախցի կանայք նշել են բողոքի ակցիայով: Կրկին բարձրաձայնել, որ ադրբեջանական ապօրինի շրջափակման հետևանքով 3900 քաղաքացի, որից 570-ը՝ երեխա, տուն վերադառնալու հնարավորություն չունի: Անուշ Շահրամանյան (կանանց ակցիայի նախաձեռնողի խմբի անդամ) — 117 օր է՝ մենք զրկված ենք ազատ տեղաշարժվելու հիմնարար ու բնական իրավունքից: Սիրվարդ Մարգարյան (ակցիայի մասնակից) — Մենք սպասում ենք դրան,…
Հռոմի Ֆրանցիսկոս Պապն առաջարկել է ապրիլի 9-ից երկշաբաթյա զինադադար հաստատել Ուկրաինայի պատերազմական գոտում և Ռուսաստանի նոր շրջաններում՝ կաթոլիկների և ուղղափառների Սուրբ Զատկի և դրա հետ կապված տոնակատարությունների ժամանակ։ Այդ մասին ուրբաթ ՏԱՍՍ-ին հայտնել է Հնադավանների համաշխարհային միության նախագահ Լեոնիդ Սևաստյանովը՝ վկայակոչելով հովվապետի հետ ունեցած անձնական զրույցը։ Նա նշել է, որ Կաթոլիկ Եկեղեցու առաջնորդի համար այդ…
Ռուս տեխնիկները, հնարավոր է, միտումնավոր անսարքություններ են առաջացրել Սլովակիայի զինված ուժերին պատկանող ՄիԳ-29 կործանիչների մեջ։ Այս մասին հայտնում է EurActiv-ը՝ երկրի պաշտպանության նախարար Յարոսլավ Նադիին հղումով։ Սլովակիայի և Ուկրաինայի միջև կնքված միջկառավարական պայմանագրով Բրատիսլավան Կիևին է հանձնել 13 ՄիԳ-29-ից առաջին չորսը: Սլովակիայի բանակը դրանք չի օգտագործել 2022 թվականի օգոստոսից։ Փոխանցման ժամանակ պարզվել է, որ ինքնաթիռներն…
ՀՀ տարածքային կառավարման և ենթակառուցվածքների նախարար Գնել Սանոսյանը ողջունել է Հայաստան-Վրաստան գործարար համաժողովի բոլոր մասնակիցներին և շնորհակալություն հայտնել հայ և վրաց գործարար շփումների աշխուժացմանն ուղղված կարևոր աշխատաժողով կազմակերպելու համար։ «Համոզված եմ, որ այս ձևաչափով համաժողովը Հայաստանի և Վրաստանի գործարարներին հնարավորություն կընձեռի առավել հանգամանալից ծանոթանալ երկու երկրների տնտեսական միջավայրին, ներդրումային հնարավորություններին և, իհարկե, կնպաստի տարբեր…
Աշխատանքային այցով Ադրբեջանում է գտնվում Վրաստանի վարչապետ Իրակլի Ղարիբաշվիլին: Գաբալայում նախագահ Իլհամ Ալիևի հետ երկկողմ հանդիպումից հետո կայացած մամուլի ասուլիսում նա հայտարարել է, որ Ադրբեջանը Վրաստանի ոչ միայն բարեկամն է, այլև կարևոր ռազմավարական գործընկերը։ Երկու երկրի հիմնական նպատակներից մեկն էլ այս պահին խաղաղության և կայունության խթանումն է։ «Մեր հիմնական նպատակն է նպաստել խաղաղությանն ու կայունությանը:…
Թուրքիայի արտաքին գործերի նախարար Մևլութ Չավուշօղլուն հայտարարել է սևծովյան հացահատիկի նախաձեռնության իրագործումը շարունակելու և ռուսական հացահատիկի արտահանման վրա գոյություն ունեցող սահմանափակումները վերացնելու անհրաժեշտության մասին։ «Մենք աջակցում ենք ՄԱԿ-ի ջանքերին և ինքներս ենք վարում նման բանակցություններ՝ գործարքի համատեքստում ռուսական սննդի համար առկա խոչընդոտները վերացնելու համար։ Մենք ճանաչում ենք այդ սահմանափակումների վերացման մասին ՌԴ պահանջների իրավաչափությունը»,- ուրբաթ…
Ադրբեջանի Միլլի Մեջլիսը հայտարարություն է ընդունել՝ ի պատասխան ավելի վաղ Իրանի խորհրդարանի ընդունած հայտարարության։ Իսրայելում Ադրբեջանի դեսպանատան բացման մասին Իրանի խորհրդարանի հայտարարությունը ադրբեջանական կողմը որակում է որպես միջամտություն Ադրբեջանի ներքին գործերին։ Նշվում է, որ ընդունված հայտարարությունը «Իրանի հերթական քաղաքական սադրանքն Ադրբեջանի դեմ»։ Միլի Մեջլիսը հայտարարության մեջ Իրանին կոչ է արել զերծ մնալ Ադրբեջանի դեմ ուղղված…
Ռուսաստանն ակնկալում է, որ ոչ տարածաշրջանային խաղացողները չեն միջամտի Անդրկովկասում կարգավորման գործընթացին։ Այս մասին ուրբաթ հայտարարել է ՌԴ ԱԳ նախարար Սերգեյ Լավրովը՝ Թուրքիայի արտգործնախարար Մևլութ Չավուշօղլուի հետ բանակցություններից հետո կայացած մամուլի ասուլիսում, գրում է ՏԱՍՍ-ը։ «Մենք հուսով ենք, որ մեր որոշ արտատարածաշրջանային գործընկերներ չեն միջամտի այդ գործընթացներին և կողմերին կկողմնորոշեն ռուս-հայ-ադրբեջանական եռակողմ ձևաչափով ձեռք բերված…
Իրանի ԱԳ նախարար Հոսեյն Ամիր Աբդոլլահիանը Պեկինում հանդիպել է իր ֆրանսիացի գործընկեր Կատրին Կոլոննայի հետ: Հանդիպմանը քննարկվել են երկկողմ հարաբերությունների, ինչպես նաև տարածաշրջանային և միջազգային ընդհանուր հետաքրքրություն ներկայացնող հարցեր: ԱԳ նախարարները ընդգծել են փոխադարձ հարգանքի և երկխոսության շարունակման անհրաժեշտությունը:
Եգիպտոսն ինտենսիվ խորհրդակցություններ է անցկացնում Իսրայելի, ԱՄՆ-ի և պաղեստինյան խմբավորումների հետ՝ լարվածությունը թուլացնելու համար, որը ծագել է հինգշաբթի լույս ուրբաթ գիշեր Գազայի հատվածի շուրջ։ Այս մասին հայտնում է Al Arabiya հեռուստաալիքը։ Ըստ տեղեկատվության՝ Եգիպտոսի իշխանությունները «լայնածավալ բանակցություններ են վարում իսրայելական կողմի, ԱՄՆ-ի և պաղեստինյան որոշ խմբավորումների հետ՝ խաղաղությունը հնարավորինս արագ վերականգնելու համար»։ Մինչ այս Կահիրեն Իսրայելից…
ՀՀ ՏԿԵ նախարար Գնել Սանոսյանն այսօր՝ Հայաստան-Վրաստան գործարար համաժողովի մեկնարկից առաջ, հանդիպում է ունեցել Վրաստանի փոխվարչապետ, էկոնոմիկայի և կայուն զարգացման նախարար Լևան Դավիթաշվիլիի հետ։ Հանդիպման ժամանակ քննարկվել են ոլորտային համագործակցության մի շարք կարևոր հարցեր։ Հաշվի առնելով, որ Վրաստանի էկոնոմիկայի և կայուն զարգացման նախարարության տիրույթում են գտնվում նաև ավիացիայի, տրանսպորտի և էներգետիկայի ոլորտները, ապա հիմնականում…
Արցախը Հայաստանին կապող միակ ճանապարհը Ադրբեջանի կողմից արգելափակելու պատճառով Արցախի առողջապահության նախարարության «Հանրապետական բժշկական կենտրոն» ՓԲԸ-ից ուռուցքային և սիրտ-անոթային համակարգի ծանր հիվանդություններ ունեցող 12 անձ այսօր Կարմիր խաչի միջազգային կոմիտեի միջնորդությամբ և ուղեկցությամբ տեղափոխվել է ՀՀ մասնագիտացված բժշկական կենտրոններ։ 9 բուժառուներ, ովքեր պետական պատվերի շրջանակներում ուղեգրվել են ՀՀ բուժում ստանալու համար, ուղեկցողների հետ վերադարձել…
Վրաստանի վարչապետ Իրակլի Ղարիբաշվիլու գլխավորած պատվիրակությունը մեկնել է Ադրբեջան, փոխանցում է Վրաստանի կառավարության ֆեսյբուքյան էջը: Նշվում է, որ այցի շրջանակներում վարչապետը դեմ առ դեմ հանդիպում կունենա Ադրբեջանի նախագահ Իլհամ Ալիևի հետ, որից հետո հանդես կգան ԶԼՄ-ների համար համատեղ հայտարարություններով։ «Վարչապետի գլխավորած պատվիրակության կազմում են փոխվարչապետ, էկոնոմիկայի և կայուն զարգացման նախարար Լևան Դավիթաշվիլին, արտաքին գործերի նախարար…
Տարածքային կառավարման և ենթակառուցվածքների նախարար Գնել Սանոսյանի գլխավորած պատվիրակությունը Վրաստան կատարած այցի շրջանակում այցելել է Վրաստան-Ռուսաստան սահմանի՝ Վերին Լարսի անցակետ։ Պատվիրակության անդամները ծանոթացել են մաքսային գործընթացների իրականացմանը, անցակետի տեխնիկական հնարավորություններին, թողունակությանը, անցակետի հնարավորությունների ընդլայնման նպատակով իրականացվող շինարարական աշխատանքներին։ Սանոսյանը հանդիպում է ունեցել այդ պահին անցակետի տարածքում գտնվող հայ վարորդների հետ, քննարկել առկա խնդիրները։ Արձանագրվել է,…
Ապրիլի 6-ին Պենտագոնի կայքում Defender 2023 բազմազգ զորավարժության մասին հաղորդագրության մեջ մասնակից երկրների ցուցակում նշված էր նաև Հայաստանը: Որոշ ժամանակ անց, սակայն, ԱՄՆ պաշտպանական գերատեսչությունը խմբագրել է հաղորդագրությունը, և Հայաստանն այլևս մասնակիցների ցանկում ներառված չէ: Պարզաբանում ստանալու համար «Արմենպրես»-ը դիմել է ՀՀ պաշտպանության նախարարի մամուլի խոսնակ Արամ Թորոսյանին։ «Վերջիվերջո, ՀՀ ԶՈՒ-ն մասնակցելո՞ւ է այդ զորավարժությանը»…
Իսրայելական տանկերն ու ինքնաթիռները հարված են հասցրել Գազայի հատվածի սահմանին` ՀԱՄԱՍ շարժման ռազմական դիրքերի ուղղությամբ: «Այսօր առավոտյան, Գազայի հատվածից Իսրայելի շարունակական հրթիռային հարվածներից հետո, տանկերն ու ինքնաթիռները հարվածներ են հասցրել ահաբեկչական ՀԱՄԱՍ կազմակերպության մարտական դիրքերի ուղղությամբ` Գազայի հատվածի սահմանային մասում»,- ասված է Իսրայելի պաշտպանության բանակի տարածած հաղորդագրության մեջ: Ավելի վաղ` գիշերը, Իսրայելի բանակը արդեն իսկ…
