Ապրիլի 2023

Ռուսաստանի և Ուկրաինայի օդային տարածքը փակ կմնա դեպի Եվրոպա թռիչքների համար մինչև 2029 թվականը: Նման կարծիք են հայտնել Օդային նավիգացիայի անվտանգության եվրոպական կազմակերպությունից (Eurocontrol): Ուկրաինայում Ռուսաստանի կողմից ռազմական գործողությունների մեկնարկից հետո Եվրամիության երկրները, ԱՄՆ-ը և Կանադան փակել են օդային տարածքը ռուսական ավիաընկերությունների համար։ Մեծ Բրիտանիան արգելել է «Աերոֆլոտ»-ի և ռուսական մասնավոր ինքնաթիռների թռիչքները: Ի պատասխան՝…

Ադրբեջանը 2023 թվականի հունվար-մարտ ամիսներին ավելացրել է գազի արտահանումը 11,2 %-ով՝ հասցնելով 6,5 մլրդ խ.մ-ի: Այս մասին հայտնել է Ադրբեջանի էներգետիկայի նախարար Փարվիզ Շահբազովը։ Նա տեղեկացրել է, որ 2023 թվականի հունվար-մարտ ամիսներին ադրբեջանական գազի արտահանումը Եվրոպա կազմել է 2,9 մլրդ խ.մ կամ Ադրբեջանից մատակարարումների 45%-ը։ Ներկայումս Եվրոպայում ադրբեջանական գազի գնորդներն են Իտալիան, Հունաստանը, Բուլղարիան և…

Ապրիլի 10-ին տեղի ունեցավ Վրաստանում ՀՀ դեսպան Աշոտ Սմբատյանի գլխավորած պատվիրակության այցը Վրաստանի Ծալկայի մունիցիպալիտետ։ Ծալկայում ՀՀ դեսպանը հանդիպում ունեցավ քաղաքապետ Իլիա Սաբաձեի և սակրեբուլոյի նախագահ Իրակլի Գիգինեիշվիլիի հետ։ Հանդիպմանն անդրադարձ կատարվեց Հայաստանի և Վրաստանի քաղաքների միջև ապակենտրոնացված համագործակցության ակտիվացման հնարավորություններին։ Այցի շրջանակներում դեսպանության պատվիրակությունը եղավ մունիցիպալիտետի մի շարք հայաբնակ գյուղերում (Դաշբաշ, Դարագյուղ, Այազմա, Նարդևան,…

Այսօր՝ ժամը 16:00-ի սահմաններում, Ադրբեջանի ԶՈՒ ստորաբաժանումները կրակ են բացել Տեղ համայնքի հատվածում ինժեներական աշխատանքներ իրականացնող ՀՀ ԶՈՒ զինծառայողների ուղղությամբ: Հայկական կողմը դիմել է պատասխան գործողությունների: Նախնական տվյալներով հայկական կողմն ունի զոհեր և վիրավորներ: Պաշտպանության նախարարությունը հանդես կգա լրացուցիչ հաղորդագրությամբ: Հաղորդագրությունը տարածում է ՀՀ ՊՆ-ը։

Ռուսաստանի արտգործնախարար Սերգեյ Լավրովը Ղազախստանի իր պաշտոնակից Մուրատ Նուրտլեուի հետ հանդիպումից հետո կայացած մամուլի ասուլիսի ընթացքում պատասխանել է լրագրողի այն հարցին, թե արդյոք Մոսկվան վախենո՞ւմ է ԱՄՆ-ի և Եվրամիության փոխգործակցությունից Ռուսաստանի հարևանների հետ: «Եթե խոսքն իսկապես միջազգային իրավունքին համապատասխան իրավահավասար, փոխշահավետ, թափանցիկ փոխգործակցության մասին է, ապա ոչ ոք ոչ մի մտավախություն չի կարող ունենալ։ Իսկ…

Ռուսաստանի Դաշնային ժողովի Պետդուման ապրիլի 11-ին կքննարկի «Զինապարտության և զինվորական ծառայության մասին» օրենքում նախատեսվող փոփոխությունները, որոնք վերաբերում են զինապարտների միասնական ռեեստրի ստեղծմանը: Այս մասին հայտարարել է Պետդումայի պաշտպանության հարցերով հանձնաժողովի ղեկավար Անդրեյ Կարտապոլովը: Նրա խոսքով՝ այս փոփոխություններն ուղղված են՝ շտկելու զինվորական հաշվառման թերությունները, որոնք ի հայտ են եկել 2022 թվականին։ Պաշտոնյան նշել է, որ օրինագծով…

«Հայփոստ» ընկերությունից հայտնում են՝ Վրաստանի մայրաքաղաք Թբիլիսիում  համագործակցության հուշագիր է ստորագրվել Վրաստանի փոստի հետ: Հուշագրով նախատեսվում է համագործակցության նոր ձևաչափեր մշակել և կյանքի կոչել նոր ծրագրեր. 1․  Վրաստանի Հանրապետությունից Հայաստանի Հանրապետություն և հակառակ ուղղությամբ փոստային առաքումների պայմանների բարելավում. 2. Երկու երկրների միջև սահմանային ծախսերի իջեցում, որը կհանգեցնի հաճախորդներին մատուցվող փոստային ծառայությունների սակագների երկկողմանի նվազեցման. 3․…

Արցախի Հանրապետության նախագահ Արայիկ Հարությունյանի հրամանագրով Գրիգորի Արկադիի Գաբրիելյանցը նշանակվել է ԱՀ պետական խորհրդական-հատուկ հանձնարարություններով դեսպան՝ ազատվելով պետական խորհրդականի պաշտոնից։ Այս մասին տեղեկացնում են Արցախի նախագահի աշխատակազմից:      

ԱՄՆ նախագահ Ջո Բայդենը հաստատել է երկրում կորոնավիրուսի պատճառով սահմանված արտակարգ դրությունը չեղարկելու մասին օրենքը՝ հայտնում են Սպիտակ տան մամուլի ծառայությունից։ Առողջապահության ոլորտում արտակարգ դրություն էր մտցվել 2020 թվականի մարտին՝ նախագահ Դոնալդ Թրամփի կողմից։ Այն թույլ էր տալիս ԱՄՆ վարչակազմին կորոնավիրուսի տարածման դեմ պայքարում լրացուցիչ ռեսուրսներ օգտագործել, այդ թվում՝ առանց Կոնգրեսի համաձայնության։

Արցախը Հայաստանին կապող միակ ճանապարհը Ադրբեջանի կողմից արգելափակելու պատճառով ԱՀ առողջապահության նախարարության «Հանրապետական բժշկական կենտրոն» ՓԲԸ-ից ուռուցքային հիվանդություններով, վիրահատական միջամտություններ և հետիմպլանտացիոն համուղղում պահանջող ախտաբանությամբ 15 անձ այսօր Կարմիր խաչի միջազգային կոմիտեի միջնորդությամբ և ուղեկցությամբ տեղափոխվել է ՀՀ մասնագիտացված բժշկական կենտրոններ։   10 բուժառու, որոնք պետական պատվերի շրջանակներում ուղեգրվել են ՀՀ բուժում ստանալու համար, ուղեկցողների…

Թբիլիսի-Սենակի-Լեսելիձե ավտոճանապարհի 147-րդ կմ-ում քարաթափման պատճառով առաջացել է ճանապարհի մաքրման անհրաժեշտություն, ինչի պատճառով նշված ճանապարհի 114-կմ 194 կմ (Ախալսոփելի երթևեկի հանգույց-Զեստափոնի) հատվածով ժամանակավորապես արգելվում է բոլոր տեսակի ավտոմեքենաների տեղաշարժը:  Այս մասին տեղեկացնում է Տարածաշրջանային զարգացման և ենթակառուցվածքների նախարարության ճանապարհների վարչությունը։ Գերատեսչությունից հայտնում են, որ մինչև ավտոճանապարհի մաքրումը կիրականացվի թեթև տրանսպորտային միջոցների երթևեկությունը կենցաղային նշանակության Գոմի-Սաչխերե-Ճիաթուրա-Զեստափոնի…

Արցախի Ռուսական խաղաղապահ զորախմբի հետ համագործակցության ապահովման կենտրոնը, փոխգործակցելով Արցախի Հանրապետությունում տեղակայված ռուսական խաղաղապահ զորախմբի հետ, ըստ ներկայացված դիմումների կազմակերպում է շփման գծին մոտ տարածքներում գյուղատնտեսական աշխատանքների անվտանգության ապահովումը։   Վերջին ժամանակահատվածում, հատկապես՝ Մարտունու և Ասկերանի շրջաններում, աշխատանքների կատարման վայրերին հարակից ադրբեջանական մարտական դիրքերից հաճախակի են արձանագրվում տարբեր տրամաչափի հրաձգային զինատեսակներով թիրախային կրակոցներ՝ խաթարելով գյուղատնտեսական…

Էր Ռիադում Սաուդյան Արաբիայի և Թուրքիայի արտաքին գործերի նախարարությունների միջև տեղի է ունեցել երկար տարիների ընթացքում քաղաքական խորհրդակցությունների առաջին փուլը՝ հայտնում են տեղական լրատվամիջոցները: Կողմերը քննարկել են տարբեր ոլորտներում գործակցության ընդլայնման ուղիները, ինչպես նաև միջազգային զարգացումները և տարածաշրջանում ստեղծված իրավիճակը: Նշվում է, որ Անկարան քաղաքական խորհրդակցություններ կանցկացնի նաև Եմենի և Քուվեյթի հետ։

Սիրիայի խնդրի շուրջ Թուրքիայի, Ռուսաստանի, Սիրիայի և Իրանի ԱԳ նախարարների հանդիպումը կարող է կայանալ մայիսի սկզբին Մոսկվայում: Այս մասին A Haber հեռուստաալիքի եթերում հայտարարել է Թուրքիայի ԱԳ նախարար Մևլութ Չավուշօղլուն։ Նրա խոսքով՝ նախարարները հանդիպմանը կքննարկեն այդ երկրների ղեկավարների բանակցությունների նախապատրաստումը: «Քառակողմ հանդիպումների նպատակը Սիրիայում կարգավորման մեխանիզմների, մասնավորապես՝ Աստանայի գործընթացի կարգավորումն ու վերականգնումն է։ Դրա շրջանակներում…

Ադրբեջանը հետաքրքրված է բոլոր երկրների, այդ թվում՝ Իրանի հետ բարիդրացիական հարաբերություններով և դրական է գնահատում երկու երկրների արտաքին գործերի նախարարների՝ ապրիլի 7-ի և 8-ի հեռախոսազրույցները: Այս մասին հայտարարել է Ադրբեջանի արտգործնախարարության խոսնակ Այխան Հաջիզադեն: Նրա խոսքով՝ Հոսեյն Ամիր Աբդոլլահիանը և Ջեյհուն Բայրամովը մանրամասն քննարկել են երկկողմ հարաբերությունները և դրանցում առկա խնդիրները: «Տարածքային ամբողջականության և ինքնիշխանության…

Արցախի տեղեկատվական շտաբից հայտնում են՝ Արցախի իշխանությունները Ռուսաստանի Դաշնության խաղաղապահ առաքելության միջոցով վերջիններիս տեղակայման վայրում և զորախմբի հրամանատարության միջնորդությամբ հանդիպում անցկացնելու առաջարկ են փոխանցել ադրբեջանական կողմին՝ հումանիտար բնույթի անհետաձգելի հարցեր քննարկելու համար։

Ֆրանսիայից ստացված տեղեկության համաձայն՝ փրկարարները 3 դիակ են հանել Մարսելի կենտրոնում փլուզված քառահարկ շենքի փլատակներից: Նրանք հայտնել են, որ դեռևս ողջ մարդիկ կան փլատակներում, և ամեն ինչ անելու են նրանց փրկելու համար, գրում է Euronews-ը: Շենքը փլուզվել է պայթյունից, որը, ըստ նախնական վարկածի, գազի արտահոսքի հետևանք է: Պայթյունից մասամբ վնասվել է նաև հարևան երկու շենք:…

Ֆրանսիական Ալպերում, Լե Կոնտամին Մոնժուա հանգստավայրի մոտ որոնողափրկարարական աշխատանքների արդյունքում հայտնաբերվել է ձյան ծածկույթի տակ մնացած 6 քաղաքացու դի, 8 մարդ փրկվել է, գրում է Euronews-ը: Կիրակի կեսօրին մոտ կես կիլոմետր լայնությամբ ձնահյուսքը շարժվելով ծածկել է 1600 մետր տարածք: Ֆրանսիական լրատվամիջոցները տեղի ունեցածը համարում են սեզոնի ամենամահաբեր միջադեպը։ Ձնահյուսքի պատճառները հետաքննվում են, տեղական իշխանությունները հայտնել…

Ղազախստանի նախագահ Կասիմ-Ժոմարտ Տոկաևն Ադրբեջանի նախագահ Իլհամ Ալիևի հետ ընդլայնված կազմով բանակցությունների ժամանակ հայտնել է, որ երկու հանրապետությունները կստեղծեն Բարձրագույն միջպետական ​​խորհուրդ։  Տոկաևի խոսքով՝ Ադրբեջանի նախագահի այցն Աստանա մեծ նշանակություն ունի երկու երկրի միջև համագործակցության ամրապնդման համար։ Նա հիշեցրել է, որ անցյալ տարի Բաքվում ստորագրվել է Ռազմավարական հարաբերությունների ամրապնդման և դաշնակցային համագործակցության խորացման մասին հռչակագիրը,…

Սյունիքի մարզպետ Ռոբերտ Ղուկասյանն այսօր ընդունել է Սյունիք այցելած՝ Ֆրանսիայի Մոնպելիե քաղաքի փաստաբանների պատվիրակությանը․ նրանք բոլորը նաև Մոնպելիեի փաստաբանների միության «Մարդու իրավունքների ինստիտուտի» անդամներ են։      Հանդիպման հիմնական առանցքը ադրբեջանական ագրեսիայի հետևանքով Սյունիքում, ինչպես նաև Արցախում մարդու իրավունքների խախտումների քննարկումն էր։     Ռոբերտ Ղուկասյանը շնորհակալություն է հայտնել հյուրերին այս օրերին Սյունիք այցելելու համար,…

«Ես իմ գործընկերոջը՝ Ղազախստանի նախագահին, տեղեկացրել եմ Հայաստանի հետ բանակցային գործընթացի ներկայիս կարգավիճակի մասին։ Մենք տրամադրված ենք հարաբերությունների կարգավորմանը։ Հայաստանի հետ խաղաղության պայմանագրի վրա աշխատանքը գրեթե սկսվել է, բայց այնքան էլ հարթ չի ընթանում, ինչպես մենք կցանկանայինք»,- ասել Է Ալիևը Ղազախստան իր պաշտոնական այցի շրջանակներում կազմակերպված մամուլի ասուլիսի ժամանակ: «Սակայն դրան այլընտրանք չկա, և հարևանների…

Ադրբեջանի և Ղազախստանի նախագահներ Իլհամ Ալիևը և Կասիմ-Ժոմարտ Տոկաևն Աստանայում կայացած բանակցություններից հետո անցկացրել են համատեղ մամուլի ասուլիս, որի ժամանակ Ղազախստանի նախագահը հայտարարել է. «Ադրբեջանի նախագահ Իլհամ Հեյդարիի հետ կարծիքներ ենք փոխանակել փոխվստահության պայմաններում մեր համագործակցության բոլոր ասպեկտների վերաբերյալ, հստակեցրել ենք միմյանց դիրքորոշումները տարածաշրջանային և միջազգային խնդիրների քննարկումների ժամանակ։ Շոշափել ենք նաև մեր երկրների միջև…

Այսօր 120 օր է, ինչ Արցախը լիակատար շրջափակման պայմաններում մաքառում է իր արժանապատիվ գոյության համար՝ ի հեճուկս աշխարհի անտարբեր լռության և ոչինչ չասող հայտարարությունների: Մեզ պարտադրվող այդ իրականությունը շարունակաբար հիասթափեցնում, բայց և ավելի ամուր է դարձնում մեր հերոս ժողովրդին: Այդ մասին ասված է Արցախի նախագահ Արայիկ Հարությունյանի Ֆեյսբուքի էջում:   «Ստեղծված իրավիճակի շուրջ պարբերաբար զրույցներ…

Պենտագոնի գաղտնի փաստաթղթերի արտահոսքի պատճառով The Washington Post-ը պարզել է, որ «Վագներ» մասնավոր ռազմական կազմակերպությունը փորձել է Թուրքիայից զենք և համազգեստ գնել իր վարձկանների համար։ Հայտնի չէ՝ արդյո՞ք գործարքը հաջողվել է, և արդյոք թուրքական կառավարությունը գիտե՞ր այդ մասին: Սակայն տեղեկատվությունը, որ Թուրքիան, հնարավոր է՝ օգնում է Ռուսաստանին Ուկրաինայի դեմ պատերազմում, կարող է «պայթյունավտանգ» լինել, հատկապես,…

Իրանի ԱԳՆ խոսնակն այսօր անդրադարձել է Թեհրան-Բաքու հարաբերություններին: Նա նշել է, որ հարևան երկրները պետք է կենտրոնանան ընդհանուր շահերի վրա և թույլ չտան, որ ուրիշները լարվածություն ստեղծեն երկկողմ հարաբերություններում: «Իրանը միշտ ընդգծել է երկխոսության կարևորությունը, սակայն կան թշնամիներ, որոնք չեն ցանկանում, որ հարևան, եղբայրական և մուսուլմանական Իրանն ու Ադրբեջանը բարիդրացիական հարաբերություններ ունենան»,- ասել է Նասեր…

Միացյալ Նահանգների Կենտրոնական հետախուզական վարչության (ԿՀՎ) տնօրենը դժգոհություն է հայտնել Իրանի հետ Սաուդյան Արաբիայի վերջին հաշտեցման կապակցությամբ: Այդ մասին նա հայտնել է այս շաբաթ Սաուդյան Արաբիա չհայտարարված այցի ժամանակ, գրում է The Wall Street Journal-ը: Պարբերականը, հղում անելով իրազեկ աղբյուրներին, գրում է, որ ԿՀՎ տնօրեն Ուիլյամ Բըրնսը Սաուդյան Արաբիայի թագաժառանգ արքայազն Մուհամմեդ բեն Սալմանին ասել…

ԼՂ երկրորդ պատերազմի արդյունքը դանդաղ, բայց անկասկած ուժեղացնում է վաղուց թաքնված և վտանգավոր հետևանքով լի լարվածությունը տարածաշրջանի խաղացողների միջև, գրում է Foreign Affairs պարբերականը: Ադրբեջանի և Իսրայելի կապերի խորացման ֆոնին՝ Իրանը սկսել է անհանգստանալ, որ Իսրայելն օգտագործում է Ադրբեջանին որպես իր դեմ գործողությունների հարթակ: Մինչդեռ գնալով ավելի ինքնավստահ դարձող Ադրբեջանը կարող է հրահրել անջատողական քայլեր…

Թեհրանում ՀՀ ԱԽ քարտուղար Արմեն Գրիգորյանի հետ հանդիպմանը ԻԻՀ ազգային անվտանգության գերագույն խորհրդի քարտուղար Ալի Շամխանին, մատնանշելով երկու երկրների պատմական հարաբերությունները և երկու ժողովուրդների միջև մշակութային կապերը, ընդգծել է. «Երկու երկրների տնտեսական ու քաղաքական հարաբերություններում կայունությունը Թեհրանի և Երևանի բարեկամական հարաբերությունների կարևոր առանձնահատկություններից է»: Այս մասին տեղեկացնում է IRNA գործակալությունը: Շամխանին ընդգծել է, որ հարևանների հետ…

ԵԱՀԿ գործող նախագահ, Հյուսիսային Մակեդոնիայի արտաքին գործերի նախարար Բույար Օսմանին ապրիլի 10-13-ը կայցելի Հարավային Կովկասի երեք հանրապետություն: ԵԱՀԿ-ից հայտնում են, որ Թբիլիսիում, Բաքվում և Երևանում նա հանդիպումներ կունենա գործադիր և օրենսդիր իշխանության ու քաղաքացիական հասարակության ներկայացուցիչների հետ: Այցի ընթացքում Օսմանին անդրադառնալու է տարածաշրջանում առկա անվտանգային մարտահրավերներին և երկխոսության միջոցով խաղաղության ու կայունության ապահովման խնդիրներին:

Վրաստանի վարչապետ Իրակլի Ղարիբաշվիլին այսօր կհանդիպի Արդարադատության բարձրագույն խորհրդի անդամների հետ։ Վարչապետի մամուլի ծառայությունից հայտնում են, որ հանդիպումը տեղի կունենա Գերագույն դատարանում։ Իրակլի Ղարիբաշվիլիի և Արդարադատության բարձրագույն խորհրդի անդամների հանդիպումը նախատեսված է ժամը 12:00-ին։ Այս մասին տեղեկանում ենք Վրաստանի առաջին ալիքի կայքից։